fbpx
Miðvikudagur 12.maí 2021
Pressan

Svíþjóðardemókratarnir komast til áhrifa á sænska þinginu

Kristján Kristjánsson
Miðvikudaginn 14. apríl 2021 06:59

Sænska ríkisstjórnin með þinghúsið í bakgrunni. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Frá 2010 hafa Svíþjóðardemókratarnir, sem er hægriflokkur andsnúinn innflytjendum, verið algjörlega á hliðarlínunni á sænska þinginu og algjörlega áhrifalausir þrátt fyrir að flokkurinn sé sá þriðji stærsti á þingi með 62 þingmenn. Um þetta hefur ríkt samstaða á meðal annarra stjórnmálaflokka. En nú verður breyting á og allt stefnir í að þeir komist til áhrifa á þinginu.

Leiðtoga flokksins, Jimmie Åkeson, hefur nú tekist að skapa grundvöll fyrir að flokkurinn komist í fyrsta sinn til áhrifa á þinginu en það hefur ekki gerst síðan hann fékk þingmenn fyrst kjörna 2010. Honum hefur tekist að sannfæra leiðtoga Moderaterne, Kristilegra demókrata og Frjálslyndra um að þeir hafi þörf fyrir stuðning hans ef þeim á að takast að koma Stefan Löfven, leiðtoga jafnaðarmanna, úr embætti forsætisráðherra eftir þingkosningarnar í september á næsta ári.

Jótlandspósturinn hefur eftir Ulf Bjereld, prófessor í stjórnmálafræði við Gautaborgarháskóla, að þetta marki ákveðin þáttaskil í sænskum stjórnmálum. Að flokkarnir þrír, sérstaklega Frjálslyndir, geti hugsað sér að starfa með Svíþjóðardemókrötunum sé mjög athyglisvert. Hann sagði að þetta geti bent til að Svíþjóðardemókratarnir séu á góðri leið með að verða venjulegur stjórnmálaflokkur en ekki nokkurs konar úrhraksflokkur.

Bjereld, sem var áður félagi í jafnaðarmannaflokknum, sagðist telja að samstarfið verði þó erfitt. Stór hugmyndafræðilegur ágreiningur sé á milli flokkanna, sérstaklega á milli Frjálslyndra og Svíþjóðardemókratanna. Það sé erfitt að sjá hvernig þetta eigi að geta gengið upp, sérstaklega í ljósi innri klofnings hjá Frjálslyndum.

Hann sagði að það liggi ljóst fyrir að flokkarnir verði að ná saman um ýmis mál og það geti reynst Åkeson dýrt að gefa afslátt af helstu stefnumálum Svíþjóðardemókratanna, til dæmis á sviði innflytjendamála. Ef hann þrýsti of mikið á hina flokkana eigi hann á hættu að ýta þeim frá sér og enda aftur úti í kuldanum. Ef hann gefur afslátt af stefnumálum flokksins geti hann fælt kjósendur frá. Åkeson hefur sagt að samstarfið verði ekki ókeypis og að hinir flokkarnir verði að greiða fyrir það með aðgerðum í innflytjendamálum.

Hinir flokkarnir þrír taka mikla áhættu með samstarfi við Åkeson því þeir hafa lengi dregið upp þá mynd að Svíþjóð sé stórveldi á sviði mannúðarmála, land sem taki á móti miklum fjölda flóttamanna og innflytjenda. Nú virðast brestir vera komnir í þessa mynd og sænsk stjórnmál á leið til að líkjast þeim dönsku þar sem Danski þjóðarflokkurinn, sem er hægriflokkur andsnúinn innflytjendum, hefur árum saman verið áhrifamikill.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Þrjú smit í gær
Pressan
Í gær

Telur líklegt að til stríðs komi á milli Bandaríkjanna og Kína – „Það er framtíð lýðræðisins sem er að veði, ekkert minna“

Telur líklegt að til stríðs komi á milli Bandaríkjanna og Kína – „Það er framtíð lýðræðisins sem er að veði, ekkert minna“
Pressan
Í gær

Bólusetningum í Bandaríkjunum fer fækkandi – Stór hópur er hikandi

Bólusetningum í Bandaríkjunum fer fækkandi – Stór hópur er hikandi
Pressan
Fyrir 2 dögum

Melinda hafði samband við lögmann eftir að upp komst að Bill hitti barnaníðinginn

Melinda hafði samband við lögmann eftir að upp komst að Bill hitti barnaníðinginn
Pressan
Fyrir 2 dögum

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda
Pressan
Fyrir 2 dögum

Nýtt bóluefni veitir 77% vörn gegn malaríu

Nýtt bóluefni veitir 77% vörn gegn malaríu
Pressan
Fyrir 3 dögum

Ný rannsókn – Amazonskógurinn losar meira koltvíildi en hann tekur í sig

Ný rannsókn – Amazonskógurinn losar meira koltvíildi en hann tekur í sig