fbpx
Laugardagur 08.maí 2021
Pressan

Slóvakar efast um gæði Sputnik V bóluefnisins – Rússar brjálaðir og heimta að fá bóluefnið aftur

Kristján Kristjánsson
Mánudaginn 12. apríl 2021 08:00

Sputnik V bóluefnið. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Nýlega neyddist forsætisráðherra Slóvakíu til að segja af sér vegna deilna um rússneska Sputnik V bóluefnið gegn kórónuveirunni. En óhætt er að segja að enn sé mikil ólga í kringum bóluefnið og málum tengdu því langt frá því að vera lokið.

Á fimmtudaginn skýrði Slóvakíska lyfjastofnunin frá því að þeir skammtar af Sputnik V sem landið hefur fengið frá Rússlandi séu öðruvísi uppbyggðir en þeir skammtar sem alþjóðlegir sérfræðingar höfðu rannsakað og stimplað sem fullnægjandi bóluefni. Lyfjastofnunin segir einnig að skammtarnir séu öðruvísi en þeir sem Evrópska lyfjastofnunin, EMA, er nú að rannsaka.

Þessi tilkynning hleypti strax illu blóði í talsmenn Russian Direct Investment Fund, sem sér um sölu og dreifingu bóluefnisins utan Rússlands, og sökuðu þeir yfirvöld í Slóvakíu um að dreifa „röngum upplýsingum“ og lygafréttum“. „Allir skammtar af Sputnik V eru af sömu gæðum og fara í gegnum strangt gæðaeftirlit hjá Gamaleya Institute (sem þróaði bóluefnið, innsk. blaðamanns),“ skrifaði Russian Direct Investment Fund á Twitter. Einnig kom fram að Slóvakar hafi verið beðnir um að skila bóluefninu svo önnur lönd geti fengið það.

Sputnik V er pólitískt hitamál víða í Evrópu en margir vilja að Evrópuríki kaupi bóluefnið af Rússum en aðrir eru á móti því og segja að ekki sé hægt að treysta þeim og að þeir noti bóluefnið í pólitískum tilgangi. Þetta mál kemur því upp á mjög slæmum tíma fyrir tilraunir Rússa við að dreifa bóluefninu sem víðast.

EMA hóf í byrjun mars forskoðun á Sputnik V en slík skoðun getur síðar leitt til þess að mælt verði við því við framkvæmdastjórn ESB að bóluefnið verði samþykkt til notkunar. Ekki er reiknað með niðurstöðu í þessari forskoðun fyrr en í maí. Þetta hefur orðið til þess að nokkur aðildarríki sambandsins hafa hafið viðræður um kaup á bóluefninu, þar á meðal hafa Þjóðverjar og Frakkar rætt við Vladimír Pútín, Rússlandsforseta, um samstarf á sviði bóluefna. Tékkar og Króatar hafa einnig sýnt bóluefninu mikinn áhuga. Rússnesk yfirvöld hafa einnig skýrt frá því að þau hafi nú þegar samið við fyrirtæki á Ítalíu, Spáni, Frakklandi og Þýskalandi um að framleiða bóluefnið.

En víkjum aftur að Slóvakíu sem fékk Sputnik V í byrjun mars. Áður var Ungverjaland eina ESB-ríkið sem hafði fengið bóluefnið. Vegna skorts á gögnum frá Rússlandi um bóluefnið hefur það ekki enn verið tekið í notkun í Slóvakíu að sögn Euobserver. Eins og áður kom fram þá segir lyfjastofnun landsins að skammtarnir séu ekki eins og þeir sem vísindamenn höfðu áður rannsakað og fjallað um í rannsókn sem var birt í vísindaritinu The Lancet í febrúar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Móðir í áfalli – Gómaði soninn við klósettþrif

Móðir í áfalli – Gómaði soninn við klósettþrif
Pressan
Fyrir 2 dögum

Bakteríur og annar óþverri – Svona ógeðsleg er andlitsgríman þín

Bakteríur og annar óþverri – Svona ógeðsleg er andlitsgríman þín
Pressan
Fyrir 3 dögum

Hafa áhyggjur af stjórnlausri kínverskri eldflaug – Getur valdið miklu tjóni þegar hún hrapar til jarðar

Hafa áhyggjur af stjórnlausri kínverskri eldflaug – Getur valdið miklu tjóni þegar hún hrapar til jarðar
Pressan
Fyrir 3 dögum

Segir að Vilhjálmur verði síðasti konungur Bretlands

Segir að Vilhjálmur verði síðasti konungur Bretlands
Pressan
Fyrir 4 dögum

Komu upp um barnaníðingshring með 400.000 meðlimum

Komu upp um barnaníðingshring með 400.000 meðlimum
Pressan
Fyrir 4 dögum

Málið sem skekur Frakkland – Hermenn vara við uppgangi múslíma og borgarastyrjöld

Málið sem skekur Frakkland – Hermenn vara við uppgangi múslíma og borgarastyrjöld