fbpx
Miðvikudagur 14.apríl 2021
Pressan

Sífellt fleira ungt fólk deyr af völdum COVID-19 í Brasilíu

Kristján Kristjánsson
Þriðjudaginn 30. mars 2021 21:00

Ástandið er skelfilegt. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Brasilía hefur lengi verið meðal þeirra ríkja þar sem flestir smitast og látast af völdum COVID-19. Ástandið fer ekki batnandi þar í landi þessar vikurnar, þvert á móti. Nú er sú staða komin upp að sífellt fleira ungt fólk deyr af völdum sjúkdómsins.

Forbes.com skýrir frá þessu. Fram kemur að um 3.000 manns, yngri en 40 ára, hafi látist af völdum COVID-19 í mars eða tvöfalt fleiri en í febrúar og um þrefalt fleiri en í janúar.

Þessi mikla aukning dauðsfalla ungs fólks á líklega rætur að rekja til hins svokallaða brasilíska afbrigðis veirunnar. Það kom fyrst fram á sjónarsviðið í borginni Manaus í norðurhluta landsins. Íbúar borgarinnar fóru illa út úr fyrstu bylgju faraldursins og smituðust mjög margir. Svo margir að talið var að hjarðónæmi hefði myndast meðal borgarbúa en síðan kom þetta nýja afbrigði fram á sjónarsviðið og reyndist geta smitað fólk á nýjan leik. Það er talið mun meira smitandi en önnur afbrigði veirunnar.

Rúmlega 320.000 hafa látist af völdum COVID-19 í Brasilíu og um 13 milljónir smitast.

CNN og Bloomberg hafa eftir læknum að ungt fólk virðist verða veikara en áður í faraldrinum og þurfi oftar að leggjast inn á sjúkrahús.

Mun minna hefur verið um sóttvarnaaðgerðir í Brasilíu en mörgum öðrum löndum. Meðal annars vegna þess að forseti landsins, hinn hægrisinnaði Jair Bolsonaro, hefur verið á móti slíkum aðgerðum og hann hefur gert grín að þeim sem hafa áhyggjur af faraldrinum.

Sjúkrahús í landinu eru yfirfull af COVID-19-sjúklingum og margir eru við það að láta undan álaginu.

Búið er að bólusetja um 7% þjóðarinnar með fyrri skammti bóluefna en það hefur reynst síður virkt gegn brasilíska afbrigðinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Fengu yfir hundrað þúsund kvartana vegna umfjöllunar um dauða Filippusar

Fengu yfir hundrað þúsund kvartana vegna umfjöllunar um dauða Filippusar
Pressan
Í gær

Franskir vínbændur fara illa út úr frostakafla

Franskir vínbændur fara illa út úr frostakafla
Pressan
Fyrir 2 dögum

Stóri bólusetningardagurinn í Danmörku – Ætla að bólusetja 100.000 manns í dag

Stóri bólusetningardagurinn í Danmörku – Ætla að bólusetja 100.000 manns í dag
Pressan
Fyrir 2 dögum

Hans lést af völdum COVID-19 – Samsæriskenningasmiður sem sagði kórónuveiruna ekki vera til

Hans lést af völdum COVID-19 – Samsæriskenningasmiður sem sagði kórónuveiruna ekki vera til
Pressan
Fyrir 3 dögum

Segja alræmda glæpafjölskyldu hafa staðið á bak við ótrúlegan demantaþjófnað

Segja alræmda glæpafjölskyldu hafa staðið á bak við ótrúlegan demantaþjófnað
Pressan
Fyrir 3 dögum

Maðurinn sem sendi sjálfan sig í flugfrakt á milli heimsálfa

Maðurinn sem sendi sjálfan sig í flugfrakt á milli heimsálfa
Pressan
Fyrir 4 dögum

Rússneskar hersveitir sendar að landamærum Úkraínu – Hvað ætlar Pútín að gera?

Rússneskar hersveitir sendar að landamærum Úkraínu – Hvað ætlar Pútín að gera?
Pressan
Fyrir 4 dögum

Þess vegna ælir fólk þegar það er með timburmenn

Þess vegna ælir fólk þegar það er með timburmenn