Miðvikudagur 03.mars 2021
Pressan

Dularfullt hvarf danskra úlfa

Kristján Kristjánsson
Sunnudaginn 21. febrúar 2021 18:30

Þessi var skotinn af ósáttum Dana. Mynd:DTU

Ekki missa af Helstu tíðindum dagsins í pósthólfið þitt

Lesa nánar

Frá 2012, þegar úlfar sneru aftur til Danmerkur eftir áratuga fjarveru, hafa níu af þeim 24 úlfum, sem skráðir hafa verið, horfið á dularfullan hátt. Hvorki tangur né tetur hefur fundist af þeim. Yfirvöld grunar að þeir hafi verið drepnir en meðal almennings er ákveðin andstaða við að úlfar fái að valsa um Danmörku.

Danska ríkisútvarpið segir að vísindamenn við Árósaháskóla hafi nú í tvö ár reynt að fanga úlfa til að geta komið GPS-sendum fyrir á þeim, til að hægt sé að fylgjast með ferðum þeirra, en án árangurs.

Vísindamenn geta ekki með vissu sagt til um hvað varð um horfnu úlfana níu en grunar að þeir hafi verið drepnir. Eitt staðfest dæmi er um að úlfur hafi verið drepinn en það gerðist við Ulfborg á Jótlandi í apríl 2018. Þá skaut heimamaður úlf og náðist drápið á myndband. Viðkomandi var síðar dæmdur til refsingar fyrir drápið en úlfar eru alfriðaðir því þeir eru í mikilli útrýmingarhættu.

Danska umhverfisstofnunin hefur beðið vísindamenn við Árósaháskóla að koma með tillögur um hvernig hægt er að koma í veg fyrir að úlfar séu drepnir. Ein af tillögunum var að setja GPS-senda á þá til að hægt sé að fylgjast með ferðum þeirra. Með því væri hægt að fá vitneskju um hvar og hvenær þeir voru síðast á ferð. Vonast vísindamenn til að þetta hafi ákveðið forvarnargildi og geri fólk afhuga því að drepa úlfa. En eins og fyrr segir hefur ekki tekist að fanga einn einasta úlf og því hefur ekkert orðið úr því að koma sendi fyrir á þeim.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Staðhæfingar um kosningasvindl geta reynst koddakónginum dýrar

Staðhæfingar um kosningasvindl geta reynst koddakónginum dýrar
Pressan
Fyrir 2 dögum

Fleiri milljónamæringar í Lundúnum en New York

Fleiri milljónamæringar í Lundúnum en New York
Pressan
Fyrir 4 dögum

Ný rannsókn – Öfgasinnað fólk á erfiðara með að leysa flókin verkefni

Ný rannsókn – Öfgasinnað fólk á erfiðara með að leysa flókin verkefni
Pressan
Fyrir 4 dögum

Segja að stefna Trump í umhverfismálum hafi kostað mörg þúsund mannslíf

Segja að stefna Trump í umhverfismálum hafi kostað mörg þúsund mannslíf
Pressan
Fyrir 5 dögum

Sjáðu myndbandið: Sleppti börnunum fram af þriðju hæð

Sjáðu myndbandið: Sleppti börnunum fram af þriðju hæð
Pressan
Fyrir 5 dögum

Finnar grípa til harðra sóttvarnaaðgerða

Finnar grípa til harðra sóttvarnaaðgerða