Journal de Saone-et-Loire skýrir frá þessu. Fram kemur að stúlkan hafi verið endurlífguð eftir slysið en hafi ekki komist til meðvitundar. Hún lést nokkrum dögum síðar á sjúkrahúsi í Lyon.
Vinkona stúlkunnar, sem var hjá henni inni á baðherbergi þegar slysið átti sér stað, fékk áfallahjálp.
„Þetta ætti að vera aðvörun til annarra unglinga sem eru með farsímann sinn í höndunum öllum stundum,“ sagði móðir hinnar látnu. „Við verðum að leggja áherslu á að ekki á að fara með farsíma í bað, því það getur endað hörmulega,“ sagði hún einnig.
Lögreglan er nú að rannsaka slysið.
Þetta er ekki í fyrsta sinn sem unglingur deyr af völdum farsíma í hleðslu. Á síðasta ári lést unglingur í Marseille af sömu ástæðu og á fréttamiðlum hafa öðru hvoru birst fréttir um ungmenni sem hafa látist við svipaðar aðstæður.