Fyrir 25 árum síðan, í águst árið 1996, fannst lík 14 ára gamallar stelpu að nafni Caroline Glachan í Leven ánni í West Dunbartonshire á Skotlandi. Caroline sást síðast á lífi snemma morguns þann 25. ágúst árið 1996 en þá var hún að ganga í átt að brú yfir ánna.
Joanne Menzies, vinkona Caroleine, var ein af þeim síðustu sem sáu hana á lífi en það var í kringum hádegi sama dag fyrir utan heimili Caroline. Rúmum fjórum tímum síðar fannst hún látin í ánni.
Málið hefur verið óleyst í rúm 25 ár en nú virðist vera sem það fari að leysast á næstunni þar sem lögreglan í Skotlandi hefur nú kært þrjá einstaklinga vegna morðsins. Metro greinir frá.
Um er að ræða tvo karlmenn Andrew Kelly, sem í dag er 42 ára, og Robert O’Brien, sem er 43 ára í dag og konu að nafni Donna Brand, sem er 43 ára. Þau eru öll sögð tengjast morðinu.
Yfirlögregluþjónninn Stuart Grainger þakkaði í dag fyrir upplýsingar sem reyndust mikilvægar í málinu. „Ég vil fá að þakka þeim sem hjálpuðu með rannsóknina og stigu fram með mikilvægar upplýsingar varðandi morðið á Caroline,“ sagði Stuart.
Andrew, Robert og Donna hafa öll verið handtekin og munu koma fram fyrir dómi á næstu dögum en þau verða í gæsluvarðhaldi fram að því.