fbpx
Laugardagur 04.desember 2021
Pressan

Þetta var bara æfing hjá lögreglunni – Stóðu skyndilega í miðri morðgátu

Kristján Kristjánsson
Sunnudaginn 21. nóvember 2021 22:00

Hellirinn þar sem líkamsleifarnar fundust. Mynd:Lögreglan

Ekki missa af Helstu tíðindum dagsins í pósthólfið þitt

Lesa nánar

Þetta var eiginlega bara æfing hjá hundadeild ítölsku lögreglunnar. Verið var að æfa leitarhunda í hlíðum sikileyska eldfjallsins Etnu. Hundarnir römbuðu þar á lítinn helli og inni í honum fundu þeir líkamsleifar.

Þetta gerðist í september en lítið hefur verið fjallað um málið fram að þessu. Í framhaldi af þessum fundi hundanna var hafist handa við að rannsaka líkamsleifarnar og reyna að finna út af hverjum þær eru. Ekki er talið útilokað að þær tengist 50 ára gamalli morðgátu sem tengist mafíunni.

Grunur leikur á að líkamsleifarnar séu af blaðamanninum Mauro De Mauro. Honum var rænt af tveimur eða þremur mönnum, fyrir framan dóttur sína, á Palermo á Sikiley 1970. Hann var rannsóknarblaðamaður og var að rannsaka grunsamlegar kringumstæður í kringum dauða hins valdamikla kaupsýslumanns Enrico Mattei sem lést í flugslysi 1962 en talið er að sprengja hafi grandað flugvél hans.

Ítölsk yfirvöld hefur allt frá upphafi grunað að mafíuleiðtoginn Salvatore Riina hafi staðið á bak við dauða Mattei en hann var sýknaður á sínum tíma vegna skorts á sönnunargögnum.

Eftir að dóttir De Mauro heyrði af fundi líkamsleifanna setti hún sig í samband við lögregluna því hana grunaði að þetta gætu verið líkamsleifar föður hennar. Nú er unnið að DNA-rannsókn til að ganga úr skugga um það.

Við hliðina á líkinu var ítalskur peningur frá 1977 og blaðaúrklippa frá 1978 en þá voru nokkur ár liðin frá ráninu á De Mauro. Lögreglan hefur lengi talið að De Mauro hafi verið rænt af liðsmönnum mafíunnar sem hafi síðan drepið hann.

Líkamsleifarnar voru í dökkum buxum, röndóttri skyrtu, með svart bindi, í ullarpeysu, dökkgrænum jakka og með húfu og í svörtum stígvélum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Telja að Hæstiréttur Bandaríkjanna muni staðfesta þungunarrofslög Mississippi

Telja að Hæstiréttur Bandaríkjanna muni staðfesta þungunarrofslög Mississippi
Pressan
Í gær

Ætlar þú að taka þátt í Whamageddon fyrir jólin? – Mikil áskorun

Ætlar þú að taka þátt í Whamageddon fyrir jólin? – Mikil áskorun
Pressan
Fyrir 2 dögum

Varar við minni virkni bóluefna gegn Ómíkron

Varar við minni virkni bóluefna gegn Ómíkron
Pressan
Fyrir 2 dögum

Þetta segir læknir að þú eigir að gera ef þú hefur áhyggjur af Ómíkrón afbrigðinu

Þetta segir læknir að þú eigir að gera ef þú hefur áhyggjur af Ómíkrón afbrigðinu
Pressan
Fyrir 3 dögum

Þrír nemendur skotnir til bana og átta særðir

Þrír nemendur skotnir til bana og átta særðir
Pressan
Fyrir 3 dögum

Bretar ætla að gefa fjórða skammtinn af bóluefni gegn kórónuveirunni

Bretar ætla að gefa fjórða skammtinn af bóluefni gegn kórónuveirunni
Pressan
Fyrir 4 dögum

Íbúð til leigu á 120 krónur á mánuði!

Íbúð til leigu á 120 krónur á mánuði!
Pressan
Fyrir 4 dögum

Átti erfitt með þvaglát – Ástæðan kom læknum gríðarlega á óvart

Átti erfitt með þvaglát – Ástæðan kom læknum gríðarlega á óvart