fbpx
Þriðjudagur 19.október 2021
Pressan

WHO ætlar að rannsaka uppruna kórónuveirunnar á nýjan leik – Hugsanlega síðasta rannsóknin

Kristján Kristjánsson
Fimmtudaginn 14. október 2021 06:45

Kórónuveiran kom fyrst fram í Wuhan í Kína. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Alþjóðaheilbrigðismálastofnunin WHO hefur sett nýjan rannsóknarhóp á laggirnar til að rannsaka upptök kórónuveirunnar sem herjar á heimsbyggðina þessi misserin. Þetta er hugsanlega síðasta tilraunin til að rannsaka þetta til að geta slegið því föstu hvaðan veiran kom.

WHO sendi hóp sérfræðinga til Kína í febrúar til að rannsaka málið en segja má að engin ákveðin niðurstaða hafi fengist við þá rannsókn. Hópurinn sagði að líklega hafi hún borist í fólk frá leðurblökum en að frekari rannsókna væri þörf til að ganga fullkomlega úr skugga um þetta. Tedros Adhanom Ghebreyesus, forstjóri WHO, viðurkenndi síðar að rannsóknin hefði verið erfið vegna skorts á samstarfsvilja hjá Kínverjum.

WHO tilkynnti í gær að nýr rannsóknarhópur, sem telur 26 sérfræðinga, muni hefja nýja rannsókn á málinu. Hópurinn hefur fengið heitið Sago. Hann á að rannsaka hvort veiran hafi borist úr dýrum í fólk á einum eða fleiri matvælamörkuðum í Wuhan en einnig hafa komið fram kenningar um að veiran hafi fyrir slysni sloppið út frá rannsóknarstofu.

Mike Ryan, yfirmaður neyðarmála hjá WHO, segir að nýi hópurinn sé hugsanlega síðasti möguleikinn til að komast að því hver upptök kórónuveirunnar eru. „Við viljum gjarnan stíga eitt skref aftur á bak og búa til umhverfi þar sem við getum aftur skoðað þetta út frá vísindalegu sjónarhorni. Þetta er besta tækifæri  okkar og hugsanlega það síðasta til að öðlast skilning á hvernig veiran kom fram á sjónarsviðið,“ sagði hann í gær.

Tæp tvö ár eru liðin síðan kórónuveiran kom fram á sjónarsviðið í Wuhan en enn hefur því ekki verið slegið föstu hver upptök hennar voru.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Háttsettur landflótta Norður-Kóreumaður segir að hryðjuverk séu „pólitískt verkfæri“

Háttsettur landflótta Norður-Kóreumaður segir að hryðjuverk séu „pólitískt verkfæri“
Pressan
Í gær

„Ég held að það sé líf þarna úti“

„Ég held að það sé líf þarna úti“
Pressan
Fyrir 2 dögum

Getur nýtt kraftaverkabóluefni bjargað lífi milljóna barna?

Getur nýtt kraftaverkabóluefni bjargað lífi milljóna barna?
Pressan
Fyrir 2 dögum

Nýjar ljósmyndir frá Mars munu gagnast við leit að ummerkjum um líf

Nýjar ljósmyndir frá Mars munu gagnast við leit að ummerkjum um líf
Pressan
Fyrir 3 dögum

Hvíta húsið varar Bandaríkjamenn við vöruskorti fyrir jólin

Hvíta húsið varar Bandaríkjamenn við vöruskorti fyrir jólin
Pressan
Fyrir 3 dögum

Drottningin sögð pirruð á fólki sem „talar en gerir ekkert“

Drottningin sögð pirruð á fólki sem „talar en gerir ekkert“
Pressan
Fyrir 4 dögum

Auglýstu eftir barnapíu á Facebook og fóru síðan út í leynilegum erindagjörðum

Auglýstu eftir barnapíu á Facebook og fóru síðan út í leynilegum erindagjörðum
Pressan
Fyrir 4 dögum

Bill Clinton lagður inn á sjúkrahús

Bill Clinton lagður inn á sjúkrahús