fbpx
Fimmtudagur 21.janúar 2021
Pressan

Skelfilegur grunur meðal vísindamanna um COVID-19

Kristján Kristjánsson
Föstudaginn 8. janúar 2021 06:31

Kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Eftir því sem fleiri og fleiri veikjast af COVID-19 hefur tilkynningum um varanleg áhrif sjúkdómsins fjölgað. Margir hafa misst bragð- og lyktarskyn og hefur það valdið áhyggjum meðal taugalækna.

NPR skýrir frá þessu og hefur eftir Gabriel de Erausquin, hjá Glenn Biggs Institute for Alzheimers við Texasháskóla, að óttast hafi verið að COVID-19 valdi heilaskemmdum. Biggs er einn af höfundum nýrrar rannsóknar, sem var birt á þriðjudaginn í vísindaritinu Alzheimers & Dementia, um áhrif COVID-19 á heilann.

Þessi ótti vísindamannanna reyndist á rökum reistur miðað við niðurstöður rannsóknarinnar. Fram kemur að það sé líklega ekki sjálfur sjúkdómurinn sem veldur heilaskaða heldur varnarviðbrögð líkamans og heilans.

Margir sjúklingar hafa upplifað einkenni sem minna á heilaskaða. Þeir glíma við svo mikið minnistap að það gerir þeim erfitt fyrir í daglegu lífi. „Þeir kvarta undan vandamálum við að skipuleggja hluti, þar á meðal hluti eins og að elda mat,“ er haft eftir Erausquin.

Hann og samstarfsfólk hans segja að fleiri eftirköst megi tengja við heilaskaða COVID-19-sjúklinga, þar á meðal krampa og veikindi á geði. Þeir óttast að alvarleg veikindi af völdum COVID-19 geti aukið líkurnar á að fólk þrói með sér Alzheimerssjúkdóminn.

Um allan heim vinna vísindamenn hörðum höndum að rannsóknum á áhrifum COVID-19 á heilann en nú þegar er vitað að sjúkdómurinn getur valdið litlum blæðingum í heilanum. Þetta hefur NPR eftir Aviandra Nath, hjá National Institute of Neurological Disorders and Stroke. „Við uppgötvuðum að mjög litlar æðar í heilanum láku. Þetta var ekki regluleg dreifing, heldur hér og þar,“ er haft eftir henni. Niðurstöður rannsóknar hennar hafa verið birtar í vísindaritinu New England Journal of Medicine.

Þessar litlu blæðingar geta skýrt af hverju margir COVID-19-sjúklingar, sem hafa náð bata, glíma við þreytu, svima og öran hjartslátt. Þessi skaðar geta aukið líkurnar á að fólk þrói Alzheimerssjúkdóminn með sér að sögn vísindamanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Snarráði þjónninn hylltur af lögreglunni – Greip inn í skelfilega atburðarás

Snarráði þjónninn hylltur af lögreglunni – Greip inn í skelfilega atburðarás
Pressan
Í gær

Hryllingurinn í ísbúðinni – „Hef aldrei upplifað neitt þessu líkt“

Hryllingurinn í ísbúðinni – „Hef aldrei upplifað neitt þessu líkt“
Pressan
Í gær

Lætur hann verða af því? Margir bíða með öndina í hálsinum

Lætur hann verða af því? Margir bíða með öndina í hálsinum
Pressan
Fyrir 2 dögum

„Ef Evrópa heldur að innflytjendur séu vandamál núna – bíðið þar til eftir 20 ár“

„Ef Evrópa heldur að innflytjendur séu vandamál núna – bíðið þar til eftir 20 ár“
Pressan
Fyrir 2 dögum

35 ára kennari ákærð fyrir kynferðisbrot gegn nemanda sínum – „Hún bað hann um að hitta sig utan skóla“

35 ára kennari ákærð fyrir kynferðisbrot gegn nemanda sínum – „Hún bað hann um að hitta sig utan skóla“
Pressan
Fyrir 2 dögum

Trump-nafnið er orðið fjárhagslegur baggi fyrir forsetann

Trump-nafnið er orðið fjárhagslegur baggi fyrir forsetann