fbpx
Laugardagur 16.janúar 2021
Pressan

Biden – Ef þau væru frá Black Lives Matter hefðu þau fengið allt aðra meðferð

Kristján Kristjánsson
Föstudaginn 8. janúar 2021 05:33

Þjóðvarðliðar standa vörð við Lincoln Memorial í júní 2020 í tengslum við mótmæli Black Lives Matter. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Því hefur verið velt upp í Bandaríkjunum og víðar hvað hefði gerst í árásinni á Capitol Hill á miðvikudaginn ef um svarta mótmælendur hefði verið að ræða en ekki hvíta hægrimenn sem styðja Donald Trump sitjandi forseta? Margir eru þeirrar skoðunar að þá hefði verið tekið öðruvísi og harðar á mótmælendunum en gert var á miðvikudaginn. Joe Biden, verðandi forseti, segir að miðvikudagurinn sé einn af „svörtustu dögum bandarískrar sögu“.

Fyrir liggur að fjórir létust í mótmælunum á miðvikudaginn og margir slösuðust. Lögreglumaður lést í gær á sjúkrahúsi af völdum áverka sem hann hlaut í árás múgsins á þinghúsið. Tugir voru handteknir. Margir hafa spurt sig hvernig það gat gerst að múgurinn hafi komist svona auðveldlega í gegnum lokanir lögreglunnar og öryggisvarða. Myndir og upptökur frá Capitol Hill sýna að viðbúnaður lögreglunnar og öryggisvarða var lítill og því auðvelt verk fyrir mótmælendur að komast leiðar sinnar.

En það þarf ekki að fara lengra aftur í tímann en til byrjun júní á síðasta ári til að sjá allt aðra mynd. Þá stóðu vígbúnir þjóðvarðliðar við Lincoln Memorial reiðubúnir til að verja það en þá fóru fram stór mótmæli á vegum Black Lives Matter í kjölfar dráps lögreglunnar á George Floyd.

Joe Biden ræddi þetta í ræðu sem hann flutti í gær og skóf ekki utan af hlutunum: „Það þarf enginn að segja mér að ef þetta hefði verið hópur Black Lives Matter mótmælenda í gær hefði hann fengið svipaða meðferð og þessar bullur. Þetta var algjörlega óásættanlegt,“ sagði Biden og sló í púltið en hann var greinilega í uppnámi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Fara aðra leið en aðrir í bólusetningum við kórónuveirunni – Þykir mjög spennandi

Fara aðra leið en aðrir í bólusetningum við kórónuveirunni – Þykir mjög spennandi
Pressan
Fyrir 3 dögum

Tæplega 4.500 COVID-19 dauðsföll í Bandaríkjunum síðasta sólarhring

Tæplega 4.500 COVID-19 dauðsföll í Bandaríkjunum síðasta sólarhring