fbpx
Sunnudagur 25.september 2022
Pressan

Leynilegur leiðtogi Talibana lét son sinn gera sjálfsmorðssprengjuárás

Kristján Kristjánsson
Föstudaginn 3. september 2021 06:06

Hibatullah Akhundzada

Ekki missa af Helstu tíðindum dagsins í pósthólfið þitt

Lesa nánar

Allt frá því að Talibanar tóku völd í Afganistan fyrir nokkrum dögum hefur leiðtogi þeirra, Hibatullah Akhundzada, látið lítið fyrir sér fara en hann stýrir nú stjórnarmyndunarviðræðum í Kandahar. Hann er æðsti leiðtogi þess valdapýramída sem einkennir Talibana en hefur verið algjörlega ósýnilegur fram að þessu.

Það er ekkert nýtt að hann láti lítið fyrir sér fara. Eina þekkta ljósmyndin af honum var birt af Talibönum sjálfum og dvalarstöðum hans hefur verið haldið mjög leyndum, ekki síst í ljósi sögunnar þar sem forverar hans hafa verið ráðnir af dögum einn af öðrum.

„Hann er í Kandahar og hefur verið þar frá byrjun. Hann birtist fljótlega opinberlega,“ sagði talsmaður Talibana í síðustu viku. Akhundzada stýrir nú viðræðum um nýja ríkisstjórn en þær fara fram í Khandahar sem er næst stærsta borgin í Afganistan.

Fáir utan liðsmanna Talibana höfðu heyrt um hann þar til hann kom fram á sjónarsviðið í leiðtogahópi Talibana fyrir sex árum. Hann var næstráðandi Mullah Akhtar Mansour sem tók við sem leiðtogi Talibana í júlí 2015 eftir að Mullah Omar, stofnandi Talibana, lést en Talibönum tókst að leyna dauða hans árum saman en á sama tíma stóð yfir harðvítug valdabarátta í þeirra röðum. Mansour var drepinn í loftárás Bandaríkjahers 2016 og tók Akhundzada þá við sem leiðtogi samtakanna.

Frá þeim tíma hefur saga hans verið dramatísk og blóði drifin, svona eins og saga Afganistans. Fyrir tveimur árum lifði hann af sprengjuárás í mosku í Baluchistan-héraði í suðurhluta landsins. Í árásinni létust faðir hans, bróðir og fleiri ættingjar. Hryðjuverkasamtökin IS-K, sem tilheyra Íslamska ríkinu, lýstu ábyrgð á árásinni á hendur sér og sögðu að Akhundzada hefði verið skotmarkið því ári áður hafði hann gert IS-K stóra skráveifu í átökum í norðurhluta landsins.

2012 var reynt að skjóta hann til bana þegar hann hélt fyrirlestur en skammbyssa árásarmannsins stóð á sér og hann var yfirbugaður.

2017 missti hann yngsta son sinn sem gerði sjálfsmorðssprengjuárás í Gereshk í Helmand. Talsmenn Talibana segja að Akhundzada hafi vitað af fyrirætlunum sonar síns og hafi veitt honum heimild til að hrinda þeim í framkvæmd.

Ekki liggur ljóst fyrir hvert hlutverk hans innan samtaka Talibana er, að minnsta kosti er það ekki vitað utan innsta valdahrings samtakanna. Hann sendir öðru hvoru frá sér ákveðinn trúarlegan boðskap í tengslum við helgidaga múslíma en annars fer lítið fyrir honum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Myndir frá mótmælum í Moskvu vegna herkvaðningarinnar í Rússlandi – Yfir 800 handteknir

Myndir frá mótmælum í Moskvu vegna herkvaðningarinnar í Rússlandi – Yfir 800 handteknir
Pressan
Fyrir 3 dögum

Hækka viðbúnaðarstig við ofureldfjall – Eldgos þar fyrir 1.800 árum var það stærsta á jörðinni síðustu 5.000 ár

Hækka viðbúnaðarstig við ofureldfjall – Eldgos þar fyrir 1.800 árum var það stærsta á jörðinni síðustu 5.000 ár
Pressan
Fyrir 4 dögum

Deilir eiginmanninum með móður sinni og systur – „Þegar mig langar ekki, get ég bara látið manninn minn fá hana“

Deilir eiginmanninum með móður sinni og systur – „Þegar mig langar ekki, get ég bara látið manninn minn fá hana“
Pressan
Fyrir 5 dögum

Jarðarförin ,,öryggismartöð“ og mörg ár í undirbúningi – Valdamesta og tignasta fólks heims á sömu fermetrunum – Þekkir þú fólkið á myndinni?

Jarðarförin ,,öryggismartöð“ og mörg ár í undirbúningi – Valdamesta og tignasta fólks heims á sömu fermetrunum – Þekkir þú fólkið á myndinni?
Pressan
Fyrir 6 dögum

Banna kjötauglýsingar á almannafæri

Banna kjötauglýsingar á almannafæri
Pressan
Fyrir 6 dögum

Pútín kallar eftir friðsamlegri úrlausn í deilu Tadsíkistan og Kirgistan

Pútín kallar eftir friðsamlegri úrlausn í deilu Tadsíkistan og Kirgistan
Pressan
Fyrir 6 dögum

Harry niðurlægður og sár eftir að hann fékk ekki að bera fangamark Elísabetar ömmu sinnar á minningarvaktinni

Harry niðurlægður og sár eftir að hann fékk ekki að bera fangamark Elísabetar ömmu sinnar á minningarvaktinni
Pressan
Fyrir 6 dögum

Hafa fundið skýringu á hvernig steinblokkir voru fluttar til Giza

Hafa fundið skýringu á hvernig steinblokkir voru fluttar til Giza