fbpx
Miðvikudagur 06.júlí 2022
Pressan

Fylgjast náið með nýju afbrigði kórónuveirunnar – Enn meira smitandi og gott í að forðast mótefni

Kristján Kristjánsson
Miðvikudaginn 1. september 2021 05:59

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Náið er nú fylgst með nýju afbrigði kórónuveirunnar sem er talið vera enn skæðara en Deltaafbrigðið sem fer mikinn um allan heim þessar vikurnar.

Niðurstöður nýrrar rannsóknar suður-afrísku smitsjúkdómastofnunarinnar benda til þess að nýja afbrigðið sem nefnist C.1.2 sé miklu meira smitandi en önnur afbrigði veirunnar og betra í að forðast mótefni en það þýðir að bóluefni virka ekki eins vel gegn afbrigðinu. Bloomberg og Dagbladet skýra frá þessu.

C.1.2 uppgötvaðist fyrst í Suður-Afríku í maí og hefur síðan borist til Englands, Kína, Lýðstjórnarlýðveldisins Kongó, Máritaníu, Nýja-Sjálands, Portúgals og Sviss.

Samkvæmt niðurstöðum nýju rannsóknarinnar þá stökkbreytist þetta afbrigði tvisvar sinnum hraðar en önnur afbrigði veirunnar en það þýðir að mati vísindamanna að afbrigðið getur orðið mikil ógn við ónæmi af völdum bólusetningar eða smits.

Afbrigðið er þó enn ekki mjög útbreitt á heimsvísu en það er komið á lista yfir þau afbrigði sem vel er fylgst með, afbrigði sem geta orðið vandamál í framtíðinni.

Tölur frá Suður-Afríku sýna að afbrigðið getur svo sannarlega dreifst hratt út. Í maí voru 0,2% af smitum í Suður-Afríku af völdum þessa afbrigðis. Í júlí var hlutfallið komið í 2% og hafði afbrigðið þá borist til sex af níu héruðum landsins. „Þetta er enn mjög lágt hlutfall en við fylgjumst mjög vel með þessu,“ segir Tullio de Oliveira, sem stýrði fyrrgreindri rannsókn.

Farsóttafræðingurinn Eric-Feigl Ding segir einnig að full ástæða sé til að fylgjast vel með þessu afbrigði. „C.1.2 afbrigðið hefur á einn eða annan hátt stökkbreyst svo hratt og svo mikið að það er nú það afbrigði sem hefur stökkbreyst mest til þessa,“ skrifar hann á Twitter.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 1 viku

Stjörnufræðingar telja sig hugsanlega hafa numið merki um tilvist vitsmunavera utan jarðarinnar

Stjörnufræðingar telja sig hugsanlega hafa numið merki um tilvist vitsmunavera utan jarðarinnar
Pressan
Fyrir 1 viku

Vísindamenn telja að kynlíf geti unnið gegn frjókornaofnæmi

Vísindamenn telja að kynlíf geti unnið gegn frjókornaofnæmi
Pressan
Fyrir 1 viku

Læknar voru agndofa þegar þeir sáu hvað var í maga mannsins

Læknar voru agndofa þegar þeir sáu hvað var í maga mannsins
Pressan
Fyrir 1 viku

Fundu áður óþekktan hóp ísbjarna á „ómögulegum“ stað

Fundu áður óþekktan hóp ísbjarna á „ómögulegum“ stað
Pressan
Fyrir 1 viku

Þess vegna áttu ekki að sofa með kveikt á viftu

Þess vegna áttu ekki að sofa með kveikt á viftu
Pressan
Fyrir 1 viku

Þessi níu einkenni Ómíkron koma oft fram hjá fullbólusettum

Þessi níu einkenni Ómíkron koma oft fram hjá fullbólusettum
Pressan
Fyrir 1 viku

Foreldrar hennar neyddu hana til að gefa barnið – 44 árum síðar gerðist svolítið frábært

Foreldrar hennar neyddu hana til að gefa barnið – 44 árum síðar gerðist svolítið frábært
FréttirPressan
Fyrir 1 viku

Hæstaréttardómari tekinn nakinn á rúntinum í þriðja sinn á árinu

Hæstaréttardómari tekinn nakinn á rúntinum í þriðja sinn á árinu