fbpx
Þriðjudagur 30.nóvember 2021
Pressan

Grípa til aðgerða til að hemja aukna notkun skotvopna í New York

Kristján Kristjánsson
Miðvikudaginn 7. júlí 2021 21:00

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Andrew Cuomo, ríkisstjóri í New York, tók í bremsuna í gær og greip til margvíslegra neyðarráðstafana til að berjast gegn aukinni notkun skotvopna í ríkinu. Meðal annars verður nú auðveldara fyrir fórnarlömb skotárása að sækja vopnaframleiðendur til saka. Með þessu getur New York sniðgengið alríkislöggjöf á þessu sviði sem verndar vopnaframleiðendur að mestu fyrir lögsóknum.

Í yfirlýsingu frá Cuomo segir að ofbeldi tengt skotvopnanotkun hafi þróast yfir í „skelfingarástand“ í Bandaríkjunum.

Yfirlýsing hans og aðgerðir koma í kjölfar frétta um að afbrot aukist nú í New York City og fleiri bandarískum stórborgum.

„Ef þú skoðar nýjustu tölur þá sést að fleiri deyja af völdum ofbeldisverka tengdum skotvopnum og afbrotum en af völdum COVID-19. Þetta er vandamál á landsvísu. Einhver verður að stíga fram og takast á við vandann því framtíð okkar veltur á því,“ segir í yfirlýsingu ríkisstjórans.

Auk þess að gera fórnarlömbum auðveldara fyrir með að sækja vopnaframleiðendur til saka ætlar Cuomo að tilnefna sérstakan verkefnastjóra sem á að skoða hvernig er hægt að draga úr skotárásum í New York. Einnig verður sérstök deild sett á laggirnar hjá lögreglunni og er henni ætlað að koma í veg fyrir að vopn berist ólöglega til ríkisins frá öðrum ríkjum.

Vopnalöggjöfin í New York er ein sú harðasta í Bandaríkjunum í dag en það er auðvelt fyrir íbúa ríkisins að skjótast til nágrannaríkjanna Pennsylvania og New Jersey til að kaupa vopn en þar er vopnalöggjöfin mun frjálslegri.

Cuomo skrifaði einnig undir lög í gær sem eiga að koma í veg fyrir að fólk sem er eftirlýst vegna afbrota geti keypt sér vopn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Japanar loka landinu vegna Omikron

Japanar loka landinu vegna Omikron
Pressan
Í gær

Í dag hefjast réttarhöldin sem ríka, fræga og valdamikla fólkið óttast

Í dag hefjast réttarhöldin sem ríka, fræga og valdamikla fólkið óttast
Pressan
Fyrir 2 dögum

Bandaríkin dæla olíu úr varabirgðum sínum út á markaðinn

Bandaríkin dæla olíu úr varabirgðum sínum út á markaðinn
Pressan
Fyrir 2 dögum

Vísindamenn staðfesta að þetta er manngert

Vísindamenn staðfesta að þetta er manngert
Pressan
Fyrir 2 dögum

Málið hefur verið óleyst í 25 ár – Nú hafa þrjú verið handtekin fyrir morðið á 14 ára stúlkunni

Málið hefur verið óleyst í 25 ár – Nú hafa þrjú verið handtekin fyrir morðið á 14 ára stúlkunni
Pressan
Fyrir 3 dögum

Aldrei of seint á svo sannarlega við um Manfred Steiner

Aldrei of seint á svo sannarlega við um Manfred Steiner