fbpx
Laugardagur 13.ágúst 2022
Pressan

Segir að Bandaríkin verði að deila upplýsingum um uppruna COVID-19

Kristján Kristjánsson
Fimmtudaginn 3. júní 2021 17:30

Kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Dale Fisher, sem starfar hjá Alþjóðaheilbrigðismálastofnuninni WHO, segir að bandarísk stjórnvöld verði að deila þeim upplýsingum, sem þau hafa um uppruna kórónuveirunnar, með WHO og vísindasamfélaginu.

Nýlega skýrði Wall Street Journal frá því að bandarískar leyniþjónustustofnanir hafi upplýsingar um að þrír starfsmenn rannsóknarstofu í Wuhan í Kína hafi verið lagðir inn á sjúkrahús í nóvember 2019 með sjúkdómseinkenni sem líkjast einkennum COVID-19. Umrædd rannsóknarstofa hefur oft verið nefnd í tengslum við uppruna veirunnar en þar er unnið að tilraunum og rannsóknum á kórónuveirum.

Yfirmenn bandarískra leyniþjónustustofnana hafa sagt að þeir viti ekki hvaðan veiran er upprunnin en að annað hvort hafi hún borist úr dýrum í menn eða þá að hún hafi fyrir slysni sloppið út af rannsóknarstofu. The Guardian skýrir frá þessu. Fram kemur að Fisher hafi látið þessi ummæli falla í viðtali við BBC Radio 4 um helgina. Hann sagði jafnframt að kenningunni um að veiran ætti uppruna sinn í rannsóknarstofu hafi ekki verið ýtt út af borðinu en væri „óstaðfest“.

Sérfræðingahópur á vegum WHO komst fyrr á árinu að þeirri niðurstöðu að mjög ólíklegt sé að heimsfaraldurinn hafi byrjað eftir slys á rannsóknarstofu. En í ferð rannsóknarhópsins til Kína fékk hann aðeins að rannsaka það sem sneri að dýrum sem gætu hafa komið faraldrinum af stað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Tólf ára stúlka nagaði dögum saman í sundur reipi og slapp – Lögregla fékk áfall við húsleitina

Tólf ára stúlka nagaði dögum saman í sundur reipi og slapp – Lögregla fékk áfall við húsleitina
Pressan
Fyrir 2 dögum

Fjölskyldan tók óafvitandi eitraðan minjagrip með heim frá Svíþjóð

Fjölskyldan tók óafvitandi eitraðan minjagrip með heim frá Svíþjóð
Pressan
Fyrir 2 dögum

Gefa út viðvörun – Mestu þurrkar í Evrópu í 200 ár

Gefa út viðvörun – Mestu þurrkar í Evrópu í 200 ár
Pressan
Fyrir 2 dögum

Úkraínubúar safna milljónum fyrir herinn með sölu nektarmynda

Úkraínubúar safna milljónum fyrir herinn með sölu nektarmynda
Pressan
Fyrir 3 dögum

Er þetta sætasta atvinnutækifærið í dag? 10 milljónir fyrir að borða sælgæti

Er þetta sætasta atvinnutækifærið í dag? 10 milljónir fyrir að borða sælgæti
Pressan
Fyrir 3 dögum

Milljarðamæringar fjármagna „fjársjóðsleit“ á Grænlandi

Milljarðamæringar fjármagna „fjársjóðsleit“ á Grænlandi