fbpx
Föstudagur 27.maí 2022
Pressan

15.000 börn eru orðin stærsta vandamál Biden

Kristján Kristjánsson
Laugardaginn 27. mars 2021 22:00

Joe Biden. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Á sama tíma og Joe Biden og stjórn hans berjast við að aðstoða Bandaríkjamenn vegna heimsfaraldurs kórónuveirunnar er annað mál við það að stela sviðsljósinu. Það er meðferðin á mörg þúsund og jafnvel mörgum milljóna útlendinga. Biden er gagnrýndur af Repúblikönum og samflokksmönnum sínum. Gagnrýnin snýst að mestu um 15.000 börn sem eru ein á ferð og eru nú í vörslu landamæraeftirlitsins.

Innflytjendur streyma nú að landamærum Bandaríkjanna og Mexíkó í þeirri von að þeir komist til Bandaríkjanna. Alejandro Mayorkas, ráðherra öryggismála innanlands, telur að það stefni í stærstu bylgju innflytjenda í 20 ár. Reiknað er með að tvær milljónir muni koma að landamærunum á þessu ári.

Þegar Biden tók við embætti hét því að taka upp mun mannúðlegri stefnu í málum innflytjenda en forveri hans, Donald Trump. Til dæmis að ólögráða börnum yrði ekki lengur vísað frá á landamærunum. Gagnrýnendur segja að þessi stefna sé ástæðan fyrir að landamæralögreglan sé að sligast undan álagi. Lindsey Graham, þingmaður Repúblikana í öldungadeildinni, sagði að Biden hafi misst stjórn á landamærunum.

Vicente Gonzalez, þingmaður Demókrata í fulltrúadeildinni, sagði í samtali við Washington Post að með því að búa til kerfi sem hvetur fólk til að koma að landamærunum sé verið að senda skilaboð til allrar Miðameríku um að ef fólk komi þá fái það að vera.

Nýlega fengu þingmenn að skoða aðstæðurnar sem fyrrgreind 15.000 börn búa við. Chris Murphy, þingmanni Demókrata, var illa brugðið eftir heimsóknina. „Mörg hundruð börn höfð saman í stóru rými. Í einu horni reyndi ég að halda aftur af tárunum á meðan 13 ára stúlka, með aðstoð túlks, sagði hversu hrædd hún væri vegna þess að hún var aðskilin frá ömmu sinni,“ skrifaði hann á Twitter. Hann varpaði þó sökinni á þessu á Trump og stefnu hans í innflytjendamálum og sagði að stjórn Biden væri að gera sitt besta til að greiða úr „óreiðunni“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

Segir að Trump hafi íhugað að hætta eftir „grab ‘em by the pussy“ ummælin

Segir að Trump hafi íhugað að hætta eftir „grab ‘em by the pussy“ ummælin
Pressan
Fyrir 4 dögum

Apabóla dreifir sér í Bretlandi – Mæla með þriggja vikna einangrun

Apabóla dreifir sér í Bretlandi – Mæla með þriggja vikna einangrun
Pressan
Fyrir 5 dögum

Ófrjóir karlar hugsanlega tvöfalt líklegri til að fá brjóstakrabbamein

Ófrjóir karlar hugsanlega tvöfalt líklegri til að fá brjóstakrabbamein
Pressan
Fyrir 5 dögum

Kettir þekkja nöfn hver annars og eigenda sinna

Kettir þekkja nöfn hver annars og eigenda sinna
Pressan
Fyrir 5 dögum

Feðginin sögðu að hún hefði verið drepin af heimilislausum manni – Sannleikurinn var enn óhugnanlegri

Feðginin sögðu að hún hefði verið drepin af heimilislausum manni – Sannleikurinn var enn óhugnanlegri
Pressan
Fyrir 5 dögum

Kirsten var rænt eftir vinnustaðapartý – Við tók hryllingssólarhringur

Kirsten var rænt eftir vinnustaðapartý – Við tók hryllingssólarhringur