fbpx
Laugardagur 28.nóvember 2020
Pressan

Dæmdur í lífstíðarfangelsi – Myrti tvær konur og setti líkin í frystikistu

Kristján Kristjánsson
Laugardaginn 12. september 2020 22:30

Zahid Younis. Mynd:Facebook

Ekki missa af Helstu tíðindum dagsins í pósthólfið þitt

Lesa nánar

Enskur dómstóll dæmdi í síðustu viku Zahid Younis í lífstíðarfangelsi fyrir að hafa myrt tvær konur og síðan falið lík þeirra í frystikistu. Hann er sagður vera „stjórnsamt“ rándýr sem myrti Henriett Szucs og Mihrican Mustafa. Hann þarf að afplána að minnsta kosti 38 ár af dómnum.

Sky skýrir frá þessu. Fram kemur að Younis hafi beitt konurnar miklu ofbeldi dagana áður en hann myrti þær. Lík Szucs, sem var 34 ára Ungverji, fannst í frysti í íbúð Younis í Lundúnum í apríl á síðasta ári. Það hafði verið í frystinum í þrjú ár. Lík Mustafa, sem var 38 ára þriggja barna móðir, hafði verið í frystinum í tæpt ár.

Saksóknari sagði að báðar konurnar hafi átt undir högg að sækja í lífinu og verið viðkvæmar. Líf þeirra hafi einkennst af óreglu og að þær hafi báðar verið heimilislausar um tíma. Þær glímdu báðar við eiturlyfjafíkn. Þær hafi verið auðveld fórnarlömb Younis sem átti sér sögu fyrir að níðast á fólki sem á á brattann að sækja í lífinu.

Lögreglan gerði leit á heimili Younis eftir að tilkynnt var um hvarf hans. Lögreglumaður fann sterka lykt og sá mikið flugnager við frystinn og kíkti í hann og fann þá líkin. Krufning leiddi í ljós að báðar konurnar höfðu verið beittar miklu ofbeldi áður en þær létust.

Younis neitaði að hafa myrt konurnar og sagðist hafa fundið Szucs látna í sófanum þegar hann kom heim dag einn. Hann sagðist hafa misst stjórn á sér og falið líkið í frystinum og fengið aðstoð við það. Hann sagði að sami maður hafi síðan komið með lík Mustafa til hans í maí 2018 og krafist þess að hann setti það í frystinn. En umræddur maður var í fangelsi á þessum tíma og því má segja að fjarvistarsönnun hans hafi verið skotheld.

Younis hafði áður hlotið dóma fyrir kynferðisbortbarnaníð, og ofbeldi gagnvart unglingsstúlku. Fyrsta dóm sinn hlaut hann eftir að hann kvæntist 14 ára stúlku í íslamskri athöfn í mosku í Lundúnum 2004.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Mældist á 274 km/klst við Eyrarsundsgöngin

Mældist á 274 km/klst við Eyrarsundsgöngin
Pressan
Fyrir 2 dögum

Ef við fögnum jólunum deyr fólk í janúar

Ef við fögnum jólunum deyr fólk í janúar
Pressan
Fyrir 2 dögum

Mistök komu sér vel við tilraunir á bóluefni AstraZeneca – „Slembilukka“

Mistök komu sér vel við tilraunir á bóluefni AstraZeneca – „Slembilukka“
Pressan
Fyrir 3 dögum

Kínverjar senda geimfar til tunglsins til að sækja jarðvegssýni

Kínverjar senda geimfar til tunglsins til að sækja jarðvegssýni
Pressan
Fyrir 3 dögum

Verslunarstjórinn skyldi ekki af hverju rafhlöður seldust svo vel – Síðan sá hann umfjöllun sem skýrði málið

Verslunarstjórinn skyldi ekki af hverju rafhlöður seldust svo vel – Síðan sá hann umfjöllun sem skýrði málið
Pressan
Fyrir 3 dögum

Nafn hennar vekur athygli – „Hvernig finnst þér að eyðileggja heiminn?“

Nafn hennar vekur athygli – „Hvernig finnst þér að eyðileggja heiminn?“