fbpx
Föstudagur 25.september 2020
Pressan

Óvanaleg aðvörun frá dönsku veðurstofunni – „Ekki eitthvað sem við sjáum daglega“

Kristján Kristjánsson
Fimmtudaginn 6. ágúst 2020 07:05

Svona lítur veðurkort næstu daga út. Skjáskot/TV2

Ekki missa af Helstu tíðindum dagsins í pósthólfið þitt

Lesa nánar

Danska veðurstofan, DMI, sendi í gær frá sér aðvörun vegna mikils hita sem skellur á Danmörku á hádegi í dag og verður viðvarandi næstu daga. Þetta eru mikil umskipti því danska sumarið hefur verið frekar dapurt fram að þessu, blautt, svalt og vindasamt.

„Ég ræddi við starfsfélaga minn, sem hefur starfað hér jafn lengi og ég, og man hann ekki eftir að við höfum sent svona aðvörun frá okkur áður. Þetta er ekki eitthvað sem við sjáum daglega.“

Sagði Mette Tilgaard Zhang, veðurfræðingur, í samtali við BT.

Í aðvörun DMI kemur fram að hitabylgjan skelli á um hádegisbil í dag og standi yfir fram á þriðjudag hið minnsta. Meðalhitinn getur á sumum svæðum náð meira en 28 gráðum. Á sumum svæðum er spáð allt að 30 stiga hita. Í heildina er reiknað með að meðalhitinn í landinu verði yfir 25 gráðum næstu daga. Samkvæmt skilgreiningu DMI er um hitabylgju að ræða þegar meðalhitinn mælist yfir 25 gráðum þrjá daga í röð.

„Það væri góð hugmynd að drekka nóg, halda sig í skugganum og setja á sig sólarvörn ef maður fer út í sólina. Síðan geta börnin kannski beðið foreldra sína um ís.“

Sagði Zhang einnig.

Mesta hitanum er spáð á vestanverðu Jótlandi, Suður-Jótlandi og vesturhluta Sjálands.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Ruth Bader Ginsburg á viðhafnarbörum í Hæstarétti – Trump lofar tilnefningu á laugardaginn

Ruth Bader Ginsburg á viðhafnarbörum í Hæstarétti – Trump lofar tilnefningu á laugardaginn
Pressan
Í gær

Fljótlega verður hægt að fá svar úr kórónuveirusýnatöku á 10 mínútum

Fljótlega verður hægt að fá svar úr kórónuveirusýnatöku á 10 mínútum
Pressan
Fyrir 2 dögum

Segja „Dómsdagshaust“ í uppsiglingu

Segja „Dómsdagshaust“ í uppsiglingu
Pressan
Fyrir 2 dögum

Elding slasaði 14 unglinga í Sviss – Voru að spila fótbolta

Elding slasaði 14 unglinga í Sviss – Voru að spila fótbolta
Fyrir 3 dögum

Þetta gekk allt vel

Þetta gekk allt vel
Fyrir 3 dögum

Veiði lokið í Efri-Haukadalsá

Veiði lokið í Efri-Haukadalsá