fbpx
Mánudagur 28.september 2020
Pressan

Hvarf sporlaust og fannst síðan við furðulegar kringumstæður

Kristján Kristjánsson
Fimmtudaginn 6. ágúst 2020 06:29

Gia. Mynd:Lögreglan

Ekki missa af Helstu tíðindum dagsins í pósthólfið þitt

Lesa nánar

Þann 1. ágúst höfðu lögreglan og foreldrar Giovanna (Gia) Fuda, sem er 18 ára og býr í Seattle í Bandaríkjunum, gefið upp alla von um að finna hana á lífi. Hún hvarf sporlaust 24. júlí og taldi lögreglan að eitthvað saknæmt hefði átt sér stað eftir að bíll og veski Gia fundust á fáförnum stað.

En eftir níu daga leit fannst Gia sitjandi á steini í gili. Hún var máttvana, horuð, með rispur og skordýrabit en á lífi. Hún hélt sjálf að fjórir daga væru liðnir síðan hún hvarf en þeir voru níu.

Faðir hennar, Bob Fuda, sagði í samtali við New York Times að um kraftaverk væri að ræða og undir það tók lögreglan í King‘s County.

Lýst var eftir Gia. Mynd:Lögreglan

Gia dvelur nú á sjúkrahúsi þar sem hún er að jafna sig. Hún segist hafa lifað af með því að drekka vatn úr læk og borða ber. Hún borðaði þó ekki mikið af berjum því hún var hrædd um að þau gætu verið eitruð.

En af hverju hún var ein í óbyggðum var lengi vel ráðgáta. Foreldrar hennar tilkynntu lögreglunni um hvarf hennar aðfaranótt 25. júlí en þá hafði hún ekki skilað sér heim á tilsettum tíma og svaraði ekki hringingum eða skilaboðum.

Gia með foreldrum sínum. Mynd:Lögreglan

Bílinn hennar fannst í vegkantinum á fáförnum slóðum í skóg- og fjalllendi um 20 km frá heimili hennar. Veskið hennar var í bílnum. Bíllinn var bensínlaus og ekkert símasamband var á svæðinu. Móðir hennar, Kristin, segir að Gia hafi fyllst örvæntingu við þetta og hafi ætlað að ganga í gegnum skóginn að næstu bensínstöð sem er í 16 km fjarlægð. Hún skildi veskið eftir og tók bara farsímann, skrifblokk og biblíu með sér. En hún villtist í þéttum og dimmum skóginum og gat ekki látið vita af sér.

Mörg hundruð manns leituð að henni, hundar voru notaðir við leitina sem og þyrlur. Eftir sjö daga leit fannst skrifblokkin hennar, jakki, skór, sokkar, bakpoki, biblía og farsími. Tveimur dögum síðar fannst Gia sjálf.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 22 klukkutímum

Norðurheimskautið verður sífellt grænna – Hefur áhrif á dýr og gróður

Norðurheimskautið verður sífellt grænna – Hefur áhrif á dýr og gróður
Pressan
Í gær

Heimsfaraldur kórónuveirunnar hefur verið Elísabetu II dýr

Heimsfaraldur kórónuveirunnar hefur verið Elísabetu II dýr
Pressan
Fyrir 2 dögum

Fjöldi kórónuveirusmita tvöfaldast í hverri viku í Bretlandi

Fjöldi kórónuveirusmita tvöfaldast í hverri viku í Bretlandi
Pressan
Fyrir 2 dögum

Fyrrum þingmaður Bandaríkjaþings virðist hafa fengið heilablóðfall í beinni útsendingu

Fyrrum þingmaður Bandaríkjaþings virðist hafa fengið heilablóðfall í beinni útsendingu
Pressan
Fyrir 3 dögum

Leystu eitt umtalaðasta morðmál Ástralíu

Leystu eitt umtalaðasta morðmál Ástralíu
Pressan
Fyrir 3 dögum

Næstum þriðji hver Þjóðverji telur að leynileg öfl stýri heiminum

Næstum þriðji hver Þjóðverji telur að leynileg öfl stýri heiminum
Pressan
Fyrir 3 dögum

„Svarti lénsherrann“ dæmdur í 5 ára fangelsi

„Svarti lénsherrann“ dæmdur í 5 ára fangelsi
Fyrir 4 dögum

Ótrúlegar lokatölur úr Laxá í Aðaldal

Ótrúlegar lokatölur úr Laxá í Aðaldal