Skelfilegt lestarslys átti sér stað í Erzfjöllum í Saxlandi í kvöld, á landamærum Þýskalands og Tékklands. Tvær lestir skullu saman með þeim afleiðingum að tveir létust, níu farþegar slösuðust alvarlega og 15 hlutu minniháttar meiðsl.
Önnur lestin var að koma frá Karlsbad en hin kom úr skóglendi frá Johanngeorgenstadt.
Annar hinna látnu er Þjóðverji en hinn Tékki.
Slysið átti sér stað á háum hóli þar sem erfitt var að koma við björgun og þurftu slökkviliðsmenn að leiða hina slösuðu fótgangandi yfir lestarteina. Einnig var leitað að slösuðum í skóglendi nálægt slysstaðnum þar sem talið var að einhverjir kynnu að hafa hlaupið burtu í áfalli.
Þýski miðillinn Bild greindi frá en myndir eru frá Twitter-síðu tékknesku lögreglunnar.