Mike Pompeo, utanríkisráðherra Bandaríkjanna, segir að samfélagsmiðillinn TikTok verði bannaður í Bandaríkjunum.
TikTok, sem er kínverskur samfélagsmiðill, hefur undanfarin misseri fest sig í sessi sem einn vinsælasti samfélagsmiðill heims. Þar birtir fólk gjarnan myndbönd af öllu mögulegu, gjarnan í takt við tónlist. Miðillinn er gríðarlega umdeildur.
Fox News tók viðtal við Pompeo sem sagði að til greina kæmi að banna TikTok og þá varaði hann fólk við því að gefa persónuupplýsingar sínar til miðilsins, þær gætu farið til Kommúnistaflokksins í Kína.
TikTok á þó ekki bara undir högg að sækja í Bandaríkjunum, en miðillinn mun hverfa á brott frá Hong Kong, eftir að ný öryggislög voru samþykkt þar í landi.