„Getur maður látið sig dreyma um eitthvað meira?“ Þetta segir Devlin Wylde, 49 ára, sem hefur slegið í gegn í „hljóðklámi“ en rödd hans nýtur mikilla vinsælda í því. „Allar konur eiga skilið að finnast þær fallegar og fá góðar fullnægingar. Það er gott að vita að ég leggi mitt af mörkum til að það gerist.“
Þetta hefur TV2 eftir honum. Breska blaðið The Mirror fjallaði nýlega um hann og kallaði hann „erótískan dávald“. Í kjölfarið hefur hann fengið mikla athygli.
„Ef þú hefðir sagt mér fyrir tíu árum að ég myndi veita 5.000 konum fullnægingu daglega hefði ég hlegið.“
Sagði hann í samtali við The Mirror.
Wylde, sem er breskur, er stundum kallaður „konungur hljóðkláms“ og upptökur hans eru spilaðar mörg þúsund sinnum á degi hverjum.
„Mér hefur verið sagt að rödd mín sé svo djúp að hún titri nákvæmlega þar sem hún á að titra, sé nægilega djörf til að hafa áhrif og nægilega munaðarfull til að konur geti slakað á með mér.“
Hefur TV2 eftir honum.
„Hljóðklám“, það er að segja erótískar eða klámfengnar sögur, njóta sívaxandi vinsælda á netinu, til dæmis hjá Storytel, YouTube og hlaðvörpum. Wylde er sjálfur með YouTuberásina Audio Erotica og hlaðvarpið Wylde In Bed: Erotic Bedtime Stories.