fbpx
Fimmtudagur 17.júní 2021
Pressan

Lögreglumenn reknir – „Við skulum bara fara út og slátra þeim“

Kristján Kristjánsson
Þriðjudaginn 30. júní 2020 07:00

Myndin tengist fréttinni ekki beint. Mynd: EPA/CAITLIN PENNA

Ekki missa af Helstu tíðindum dagsins í pósthólfið þitt

Lesa nánar

Þremur lögreglumönnum í Norður-Karólínu í Bandaríkjunum hefur verið vikið úr starfi eftir að upp komst um gróft og kynþáttaníðshlaðið samtal þeirra. Donny Williams, lögreglustjóri, tilkynnti á fréttamannafundi í síðustu viku að hann hefði ákveðið að reka þremenningana úr starfi.

Hann sagði það mjög erfiðan dag fyrir hann sem nýjan lögreglustjóra að ein af fyrstu ákvörðununum sé að reka þrjá reynda lögreglumenn úr starfi fyrir hegðun þeirra. Það sé aldrei auðvelt að reka fólk en þau tilfelli komi upp þar sem það sé nauðsynlegt.

Hann sagði jafnframt að hann hefði ákveðið að veita mun meiri upplýsingar um málið en hann hefði gert undir öðrum kringumstæðum. Lögreglumennirnir brutu að hans sögn reglur um hvernig á að hegða sér og tala. NBC News hefur eftir honum að innra eftirlit lögreglunnar hafi hafið rannsókn á málinu í byrjun júní eftir að farið var yfir upptökur úr eftirlitsmyndavél í lögreglubíl eins þremenningana.

„Virðingarleysi einkenndi samtölin sem voru lituð af hatri og talað var um svarta með N-orðinu.“

Sagði hann. NBC segir að auk þess hafi verið talað á grófan hátt um Williams, sem er svartur, og fleiri svarta lögreglumenn.

Tveir lögreglumannanna eru einnig sagðir hafa rætt um dauða George Floyd og þau mótmæli sem fylgdu í kjölfarið. Annar þeirra er sagður hafa sagt að hann telji að ný borgarastyrjöld sé við það að brjótast út og að hann ætli að vera undir hana búinn. Þegar hann er að ræða um að neyðarástandi verði lýst yfir segir hann:

„Við skulum bara fara út og slátra þeim.“

Síðan talar hann niðrandi um svart fólk og segir síðan:

„Ég get ekki beðið. Guð, ég get ekki beðið.“

Hinn lögreglumaðurinn sagðist þá vera ósammála honum.

Allir lögreglumennirnir neituðu að vera kynþáttahatarar og sögðu ummælin hafa fallið í hita umræðunnar um stjórnmálaástandið í dag. Þeir neita ekki að hafa sagt það sem fram kemur á upptökunum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ráðgátan um stúlkuna með fuglshöfuðin í munninum veldur sérfræðingum heilabrotum

Ráðgátan um stúlkuna með fuglshöfuðin í munninum veldur sérfræðingum heilabrotum
Pressan
Fyrir 2 dögum

Hvað er að gerast í Sedgley? Íbúar segja að þrír bæjarbúar hafi verið numdir á brott

Hvað er að gerast í Sedgley? Íbúar segja að þrír bæjarbúar hafi verið numdir á brott
Pressan
Fyrir 3 dögum
Hvað varð um Ben?
Pressan
Fyrir 3 dögum

Indverjar grípa til aðgerða til að hjálpa börnum sem hafa misst foreldra sína úr COVID-19

Indverjar grípa til aðgerða til að hjálpa börnum sem hafa misst foreldra sína úr COVID-19
Pressan
Fyrir 3 dögum

Blekkingin gekk ekki upp – Lögreglan sá við honum

Blekkingin gekk ekki upp – Lögreglan sá við honum
Pressan
Fyrir 4 dögum

NASA er farið að taka fljúgandi furðuhluti alvarlega

NASA er farið að taka fljúgandi furðuhluti alvarlega
Pressan
Fyrir 5 dögum

Ný rannsókn bendir til að fólk geti ekki orðið eldra en 150 ára

Ný rannsókn bendir til að fólk geti ekki orðið eldra en 150 ára