Samkvæmt því sem íþróttasálfræðingurinn Steve Pope segir þá reynir ástandið sérstaklega mikið á marga knattspyrnumenn sem spila í ensku úrvalsdeildinni. Í samtali við The Sun sagðist hann hafa fengið rúmlega 50 símtöl frá örvæntingarfullum knattspyrnumönnum að undanförnu.
Skjólstæðingar hans spila meðal annars með Manchester United, Glasgow Rangers og Burnley. Pope sagði að einn leikmaðurinn hafi verið svo örvæntingarfullur vegna ástandsins að hann hafi endað með að halda framhjá eiginkonu sinni.
„Leikmaður hringdi í mig og sagði: „Ég var í rusli og endaði með að sofa hjá systur eiginkonu minnar.““
Pope sagði að leikmenn, sem eru vanir að vera miðpunktur athyglinnar og séu með þykkt seðlaveski, eigi oft erfitt með að takast á við einangrun.
„Knattspyrnumenn, sérstaklega þeir þekktustu, hafa þörf fyrir fullnæginguna sem þeir fá þegar þeir spila fyrir framan áhorfendur.“
Sagði hann og bætti við margir þeirra, sem hringja í hann, séu byrjaðir að drekka, spila fjárhættuspil eða taka eiturlyf vegna ástandsins.