fbpx
Sunnudagur 05.apríl 2020
Pressan

Donald Trump hyggst nota „þyrlupeningaaðferðina“

Kristján Kristjánsson
Fimmtudaginn 19. mars 2020 21:30

Trump hyggst nota þyrlupeningaaðferðina til að örva efnahagslífið.

Ekki missa af Helstu tíðindum dagsins í pósthólfið þitt

Lesa nánar

Donald Trump undirbýr nú að nota mjög óhefðbundnar aðferðir til að koma í veg fyrir að COVID-19 veiran stöðvi hagvöxt og dragi úr einkaneyslu í Bandaríkjunum. Einn liður í hjálparpakka forsetans er að senda 250 milljarða dollara beint inn á bankareikninga landsmanna.

Þetta sagði Steven Mnuchin, fjármálaráðherra, á fréttamannafundi á þriðjudaginn. Aðgerð af þessu tagi hefur oft verið nefnd „þyrlupeningar“. Heitið byggist á orðum bandaríska hagfræðingsins og nóbelsverðlaunahafans Milton Friedman sem á sínum tíma líkti því að láta fólk fá peninga, án þess að þeir færu í gegnum banka, við að henda þeim út úr þyrlu.

Hugmyndin á bak við þyrlupeninga, þar sem seðlabankar prenta peninga og deila þeim beint út til borgaranna, byggist á að borgararnir noti að minnsta kosti hluta af peningunum og það komi þá þeim fyrirtækjum, sem sárvantar fé, til góða og ýti efnahagslífinu í gang.

Mnuchin sagði að verið væri að íhuga að senda Bandaríkjamönnum ávísanir á næstunni, þeir hafi þörf fyrir reiðufé núna.

„Forsetinn hefur sagt skýr að hann vilji fá reiðufé í umferð núna. Með því á ég við núna, greitt út innan tveggja vikna.“

Sagði Mnuchin.

Bloomberg segir að ríkisstjórn Trump vilji greiða öllum Bandaríkjamönnum, nema þeim sem hafa góð laun, að minnsta kosti 1.000 dollara.

Í Hvíta húsinu er nú unnið að útfærslu björgunarpakka upp á 1.200 milljarða dollara. Í honum eru einnig stuðningsaðgerðir við fluggeirann og aðrar þjónustugreinar sem standa illa að vígi þessa dagana vegna COVID-19.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Góðverk eru smitandi
Pressan
Fyrir 3 dögum

Kjörin íþróttakona ársins 17 ára en endaði sem klámleikkona – „Þetta var ekkert sem ég ætlaði mér“

Kjörin íþróttakona ársins 17 ára en endaði sem klámleikkona – „Þetta var ekkert sem ég ætlaði mér“
Pressan
Fyrir 3 dögum

Rúmlega 5.000 hafa látist í Bandaríkjunum af völdum COVID-19 – 884 létust á síðasta sólarhring

Rúmlega 5.000 hafa látist í Bandaríkjunum af völdum COVID-19 – 884 létust á síðasta sólarhring
Pressan
Fyrir 4 dögum

Danska ríkisstjórnin fær auknar heimildir frá þinginu – Getur nú bannað fleiri en tveimur að vera saman

Danska ríkisstjórnin fær auknar heimildir frá þinginu – Getur nú bannað fleiri en tveimur að vera saman
Pressan
Fyrir 4 dögum

114 heilbrigðisstarfsmenn í Kaupmannahöfn smitaðir af COVID-19

114 heilbrigðisstarfsmenn í Kaupmannahöfn smitaðir af COVID-19