Föstudagur 21.febrúar 2020
Pressan

Hetja eða skúrkur? Vladimir situr á sakamannabekk en hefur þó samúð flestra

Ritstjórn Pressunnar
Fimmtudaginn 6. febrúar 2020 18:00

Ekki missa af Helstu tíðindum dagsins í pósthólfið þitt

Lesa nánar

Vladimir Sankin, 33 ára bifvélavirki í Rússlandi, á yfir höfði sér fimmtán ára fangelsi í heimalandi sínu. Glæpurinn sem Vladimir er sakaður um er þó þess eðlis að hann á samúð margra. Vladimir kom nefnilega ungum dreng til bjargar en sá varð fyrir kynferðislegri misnotkun 54 ára manns.

Þannig er mál með vexti að ungur piltur sem Vladimir þekkir vel leitaði til hans og bað hann um aðstoð. Vinur hans, fórnarlamb ofbeldisins, var þá læstur inn í íbúð árásarmannsins.

Vladimir, sem er búsettur í borginni Ufa í Basjkortostan, brást skjótt við og fór að íbúð mannsins. Þar heyrði hann í neyðarópum piltsins, braut niður hurðina og kom piltinum til bjargar. Að svo búnu dró hann manninn út, hinn 54 ára Vladimir Zaitsev, og réðst á hann með höggum og spörkum – allt með þeim afleiðingum að Zaitsev lést.

Rússneskir fjölmiðlar hafa birt myndir þar sem Zaitsev liggur í blóði sínu utandyra. Að því er fram kemur í frétt Mail Online, sem vísar í rússneska fjölmiðla, hafði Zaitsev þessi nýlega verið látinn laus úr fangelsi eftir að hafa hlotið dóm fyrir barnaníð.

Saksóknarar í Ufa hafa gefið út ákæru á hendur Vladimir og krefjast fimmtán ára fangelsisdóms. Stuðningsmenn hans hafa þó kallað eftir því að hann verði sýknaður eða ákæran hreinlega dregin til baka. Tugþúsundir Rússa hafa nú skrifað undir áskorun þess efnis að Vladimir geti áfram um frjálst höfuð strokið.

Vladimir situr nú í stofufangelsi á heimili sínu en sjálfur segist hann ekki hafa ætlað að verða Zaitsev að bana. „Ég bjóst ekki við því að hann myndi deyja en ég bjargaði tveimur börnum frá honum.“

Zaitsev er sagður hafa boðið piltunum inn til sín til að þurrka föt sín eftir leik úti í snjónum. Þar er Zaitsev sagður hafa leitað á piltana og tókst öðrum þeirra að flýja og gera Vladimir viðvart.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 18 klukkutímum

Loftslagsbreytingarnar hafa áhrif á flug – Hugsanlega þarf að fækka farþegum í hverri vél

Loftslagsbreytingarnar hafa áhrif á flug – Hugsanlega þarf að fækka farþegum í hverri vél
Pressan
Í gær

 Fangi á dauðadeild fær stuðning úr óvæntri átt

 Fangi á dauðadeild fær stuðning úr óvæntri átt
Pressan
Í gær

Harmleikurinn í Ástralíu: „Skrímsli“ sem hugsaði ekki um neitt nema sjálfan sig

Harmleikurinn í Ástralíu: „Skrímsli“ sem hugsaði ekki um neitt nema sjálfan sig
Pressan
Fyrir 2 dögum

Skotinn og grafinn undir sólpallinum

Skotinn og grafinn undir sólpallinum
Pressan
Fyrir 2 dögum

Vopnað glæpagengi rændi miklu magni af klósettpappír

Vopnað glæpagengi rændi miklu magni af klósettpappír