fbpx
Miðvikudagur 12.maí 2021
Pressan

Telja sig hafa fundið áður óþekkta tegund manna – „Draugafólk“

Kristján Kristjánsson
Fimmtudaginn 20. febrúar 2020 22:00

Homo sapiens og Neanderdalsmaður. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Vísindamenn telja sig hafa fundið áður óþekkta tegund manna. Þeir telja að tegundin hafi blandast við okkar eigin tegund fyrir tugþúsundum ára í Afríku. Ef þetta er rétt þá staðfestir það enn betur hversu flókin og margvíslegur uppruni okkar nútímamanna er.

Niðurstöður rannsóknarinnar benda til að núlifandi Vestur-Afríkumenn geti rakið 2 til 19% af erfðaþáttum sínum til útdauðrar tegundar. Vísindamennirnir kalla þessa tegund „draugafólk“.

Sriram Sankararaman, prófessor í erfðatækni við Kaliforníuháskóla, segir að vísindamennirnir telji að tegundirnar hafi blandast fyrir um 43.000 árum en þó sé ákveðin óvissa í þessu mati. Hann er aðalhöfundur rannsóknarinnar sem var birt í síðustu viku í vísindaritinu Science Advances.

Tegundin okkar, Homo sapiens, hefur verið til í rúmlega 300.000 ár. Hún á rætur að rekja til Afríku en breiddist síðan út um allan heim. Í Evrasíu blandaðist hún Neanderdalsmönnum og annarri tegund, Denisova hominins, sem er ekki eins þekkt. Nútímamenn bera erfðaefni frá báðum þessum tegundum.

Töluvert er vitað um Neanderdalsmenn og svolítið um Denisova hominins því til eru steingervingar frá báðum tegundunum. En hvað varðar þessa nýju „draugategund“ er ekki úr eins miklu að moða. Sankararaman segir að ekki sé mikið vitað um tegundina á þessu stigi.

„Við vitum ekki hvar hún hélt til, hvort steingervingar af henni eru til eða hver örlög hennar urðu.“

Hann segir að svo virðist sem þessi tegund hafi sagt skilið við þróunarlínuna, sem Neanderdalsmenn og Homo sapiens urðu til úr, fyrir um 650.000 árum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Telur líklegt að til stríðs komi á milli Bandaríkjanna og Kína – „Það er framtíð lýðræðisins sem er að veði, ekkert minna“

Telur líklegt að til stríðs komi á milli Bandaríkjanna og Kína – „Það er framtíð lýðræðisins sem er að veði, ekkert minna“
Pressan
Í gær

Bólusetningum í Bandaríkjunum fer fækkandi – Stór hópur er hikandi

Bólusetningum í Bandaríkjunum fer fækkandi – Stór hópur er hikandi
Pressan
Fyrir 2 dögum

Melinda hafði samband við lögmann eftir að upp komst að Bill hitti barnaníðinginn

Melinda hafði samband við lögmann eftir að upp komst að Bill hitti barnaníðinginn
Pressan
Fyrir 2 dögum

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda
Pressan
Fyrir 3 dögum

Nýtt bóluefni veitir 77% vörn gegn malaríu

Nýtt bóluefni veitir 77% vörn gegn malaríu
Pressan
Fyrir 3 dögum

Ný rannsókn – Amazonskógurinn losar meira koltvíildi en hann tekur í sig

Ný rannsókn – Amazonskógurinn losar meira koltvíildi en hann tekur í sig