Í gær, mánudag, sendi hollenska fyrirtækið Sinot Yacht Architecture & Design frá sér tilkynningu þar sem sagði að það væri helber lygi að Gates ætlaði að kaupa snekkjuna.
„Aqua er verkefni í þróun og hefur ekki verið selt til hr. Gates. Því miður eru allar „upplýsingar“ í þessum síðustu fréttum vitlausar.“
Segir í tilkynningunni sem var birt á heimasíðu fyrirtækisins.
Sagan gekk út á að Gates hefði pantað snekkju, sem bar heitið Aqua, og væri hún 112 metra löng og vetnisknúin. Hún var sögð mikil lúxussnekkja á fimm hæðum og með rými fyrir 14 gesti auk 30 manna áhafnar.
Það sem gerði þessa sögu kannski örlítið trúverðuga er að Gates hefur oft leigt sér snekkjur til að eyða fríinu sínu á og auk þess er hann þekktur fyrir að hafa mikinn áhuga á umhverfismálum, nýjum eldsneytisgjöfum og tækni sem dregur úr losun gróðurhúsalofttegunda.