Ekki langt frá flugvellinum er verið að gera höfn þar sem stór herskip munu geta lagst að. Kínverska fyrirtækið, sem stendur fyrir þessari uppbyggingu, segir að bæði flugvöllurinn og höfnin verði til almennra nota og séu ekki gerð fyrir herinn.
En samt sem áður hafa margir áhyggjur og bent hefur verið á að stærð verkefnisins sé slík að vandséð sé að þetta sé eingöngu til borgaralegra nota. Því hefur verið velt upp hvort verið sé að reisa kínverska herstöð í Kambódíu.
Samningur kínverska fyrirtækisins tryggir því yfirráð yfir 20% af strandlengju Kambódíu næstu 99 árin.
Hernaðarsérfræðingar segja að snúningsplönin á flugvellinum séu of lítil fyrir almennar farþegaflugvélar en henti vel fyrir orustuþotur. 3.400 metra löng flugbraut er einnig sögð miklu lengri en farþegaflugvélar þurfa til að lenda eða taka á loft frá. Fáir búa á þessu svæði og lítill iðnaður er þar. Því finnst mörgum vandséð að uppbyggingin þjóni borgaralegum tilgangi.