Eftir breytingarnar geta útlendingar, búsettir í landinu, stuðst við lög heimaríkja sinna hvað varðar hjónaskilnaði og erfðamál í stað þess að styðjast við lög furstadæmisins sem byggjast á íslömskum lögum.
The Guardian skýrir frá þessu. Mikill fjöldi innflytjenda býr í landinu en þar eru 9 innflytjendur á móti hverjum 1 innfæddum. Landið hefur lengi markaðssett sig sem alþjóðlegt og nútímalegt land þar sem kaupsýslumenn og ferðamenn séu velkomnir. Ströngum lögum landsins hefur ekki alltaf verið framfylgt. En þegar þeim hefur verið framfylgt hefur það oft fengið mikla fjölmiðlaumfjöllun erlendis og hún hefur oft haft mjög neikvæð áhrif á orðspor landsins. Meðal mála sem hafa hlotið mikla umfjöllun erlendis er að kona ein var sett í fangelsi fyrir að kæra nauðgun.
Dómarar hafa fram að þessu mátt beita vægum refsingum í svokölluðum heiðursmorðsmálum þar sem konur hafa verið myrtar eða á þær ráðist af ættingjum vegna hugmynda um hegðun þeirra hafi varpað skugga á orðspor fjölskyldna þeirra eða valdið „heiðri“ þeirra álitshnekki. Nú verður breyting á þessu og refsingar verða þyngdar.