Fyrirtæki um heim allan þurfa að búa sig undir minnkandi hagvöxt í Bandaríkjunum og jafnvel kreppu. Þrátt fyrir að bandaríski hlutabréfamarkaðurinn hafi komið vel útúr árinu 2019, vara hagfræðingar við því að efnahagurinn sé brothættur.
Torsten Sløk, yfirhagfræðinur hjá Deutche Bank í Bandaríkjunum segir að það sé mikil hætta á því að menn séu of bjartsýnir þegar þeir segja að það versta sé yfirstaðið, efnahagurinn sé enn í hættu.
Bandaríska efnahagskerfið er það stærsta í heiminum og ef hagvöxturinn minnkar mun það hafa mikil áhrif um allan heim.
Samkvæmt Bloomberg fréttastofunni eru hagfræðingar sammála um það að hagvöxtur í Bandaríkjunum verði 1,7% á fyrsta ársfjórðungi 2020. En sérfræðingar hjá Deutche Bank og danska bankanum Nordea vilja meina að það sé mikil hætta á að efnhagurinn verði fyrir áfalli sem muni draga enn meira úr hagvexti.
Torsten Sløk bendir sérstaklega á tvennt, að fyrirtæki hafi miklar áhyggjur af framtíðinni og að þau haldi að sér höndum í fjárfestingum. Einnig hafi neytendur það muni verra en þeir halda. Það síðastnefnda getur verið mjög hættulegt fyrir efnahaginn, hinir bandarísku neytendur hafa nefnilega haldið efnahaginum á floti á meðan framleiðsluiðnaðurinn hefur verið í vanda.
Neytendur lenda sífellt í meiri vandræðum vegna skulda sem þeir geta ekki greitt og það hefur slæm áhrif á efnahaginn. Bank of America bendir einnig á að neytendur hafi mikil áhrif á efnahaginn og þrátt fyrir að allt líti út fyrir að neytendur séu enn viljugir til að eyða peningum geti það breyst ef vinnumarkaðurinn fer að sína veikleikamerki. Michelle Meyers, hagfræðingur hjá Bank of America segir að við megum ekki trúa því að ekkert geti haft áhrif á heimilin, þegar allt komi til alls stjórnist eyðsla neytenda af því hve mikið þeir hafi á milli handanna.
Hagfræðingar hafa einnig áhyggjur af vinnumarkaðnum, menn séu þegar farnir að halda að sér höndum í framleiðslugeiranum og það muni hafa áhrif á vinnumarkaðinn. Forsetakosningarnar seinna á þessu ári gætu einnig skapað óróa og óöryggi í kringum efnahaginn.