Sunnudagur 29.mars 2020
Pressan

Börn allt niður í 10 ára aldur stunda ljósabekki

Kristján Kristjánsson
Þriðjudaginn 21. janúar 2020 08:00

Ljósabekkur í notkun. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Útfjólubláir geislar ljósabekkja eru ekki sérstaklega góðir fyrir líkamann og þeir hafa meiri áhrif á börn en fullorðna. Geislarnir auka líkurnar á að fólk fái krabbamein og því ekki sérstaklega gott að fara í ljós. En samt sem áður stunda margir ljósaböð á sólbaðsstofum. Í nýrri könnun sem dönsku krabbameinssamtökin stóðu meðal annars að kom í ljós að börn allt niður í 10 ára stunda sólböð í ljósabekkjum.

Könnunin náði til 1.000 ungmenna á aldrinum 15 til 20 ára. Þau voru spurð hversu oft þau fara í ljós og hvenær þau fóru fyrst í ljós. Í ljós kom að þriðja hvert ungmenni fer í ljós og að fimmtungur þeirra fór í fyrsta sinn í ljós þegar þau voru 10 til 13 ára.

Peter Dalum, verkefnisstjóri hjá krabbameinssamtökunum, sagði í samtali við Danska ríkisútvarpið að þetta sé mikið áhyggjuefni því útfjólubláir geislar séu hættulegri eftir því sem fólk er yngra. Það sé vegna þess að frumuskiptingin í líkamanum sé örari á meðan hann er enn að þroskast. Hann telur mjög mikilvægt að fá börn og ungmenni til að hætta að nota ljósabekki því sortuæxli leggist oftast á fólk á aldrinum 15 til 34 ára.

Ef fólk notar ljósabekki aukast líkurnar á að fá sortuæxli um 20 prósent. Ef fólk notar ljósabekki áður en það verður 35 ára aukast líkurnar um 59 prósent.

Notkun sólarbekkja hefur dregist saman í Danmörku á undanförnum áratug en Dalum telur að þörf sé á frekari herferðum til að draga úr notkuninni. Hann leggur til að 18 ára aldurstakmark verði sett á notkun bekkjanna.

Árlega greinast um 2.300 tilfelli af sortuæxlum í Danmörku og um 285 látast árlega af völdum þessarar tegundar krabbameins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Breyta 17.200 lítrum af Somersby í handspritt – Liður í baráttunni gegn COVID-19

Breyta 17.200 lítrum af Somersby í handspritt – Liður í baráttunni gegn COVID-19
Pressan
Fyrir 3 dögum

Umdeildur læknir telur sig hafa fundið lækningu við COVID-19

Umdeildur læknir telur sig hafa fundið lækningu við COVID-19
Pressan
Fyrir 4 dögum

Heilbrigðisstarfsfólk verður að nota sundgleraugu vegna skorts á hlífðarbúnaði

Heilbrigðisstarfsfólk verður að nota sundgleraugu vegna skorts á hlífðarbúnaði
Pressan
Fyrir 4 dögum

Hræðilegar niðurstöður hermilíkans – 65 milljónir látast af völdum heimsfaraldurs

Hræðilegar niðurstöður hermilíkans – 65 milljónir látast af völdum heimsfaraldurs
Pressan
Fyrir 4 dögum

32 Danir hafa látist af völdum COVID-19 – 69 liggja á gjörgæslu

32 Danir hafa látist af völdum COVID-19 – 69 liggja á gjörgæslu
Fyrir 4 dögum

Sjóbirtingsveiðin byrjar eftir nokkra daga

Sjóbirtingsveiðin byrjar eftir nokkra daga