Þriðjudagur 18.febrúar 2020
Pressan

Kínverjar herja á sænska fjölmiðla vegna umfjöllunar þeirra um Kína

Kristján Kristjánsson
Mánudaginn 20. janúar 2020 07:02

Ekki missa af Helstu tíðindum dagsins í pósthólfið þitt

Lesa nánar

Á síðustu tveimur árum hafa starfsmenn kínverska sendiráðsins í Stokkhólmi margoft sett sig í samband við sænska fjölmiðla til að gagnrýna umfjöllun þeirra um Kína og kínversk málefni. Kínverski sendiherrann, Gui Congyou, hefur nú verið boðaður á fund í sænska utanríkisráðuneytinu á morgun þriðjudag vegna þessa. Ann Linde, utanríkisráðherra, segir að sem fullvalda ríki geti Svíar ekki sætt sig við nein form hótana.

Hún var þar að bregðast við ummælum Gui Congyou í samtali við sænska sjónvarpsstöð þar sem hann sagði að sænskir fjölmiðlar minni á „48 kílóa hnefaleikamann sem efnir til bardaga við 86 kílóa hnefaleikamann“.

Það var Sænska ríkisútvarpið sem fjallaði fyrst um málið eftir að hafa kortlagt afskipti Kínverja af fréttaflutningi sænskra fjölmiðla.

Svenska Dagbladet, Expressen, Sveriges Radio og SVT segja að á undanförnum árum hafi starfsmenn kínverska sendiráðsins margoft sent tölvupósta og bréf með athugasemdum við fréttaflutning miðlanna af kínverskum málefnum.

Gagnrýni Kínverjanna hefur meðal annars snúið að umfjöllun miðlanna um stöðuna í Kína og um sænsk/kínverska bókaútgefandann Gui Minhai sem hefur setið í fangelsi í Kína síðan 2015. Talið er að kínverska leyniþjónustan hafi rænt honum og fangelsað.

Starfsmenn sendiráðsins hafa einnig beðið blaðamenn frá Aftonbladet, SVT og Svenska Dagbladet að koma til funda um umfjöllun miðlanna um Kína.

Karin Olsson, ritstjóri menningarefnis hjá Expressen segir að bréf hafi byrjað að berast frá sendiráðinu fljótlega eftir að Gui tók við embætti sendiherra í september 2017. Hún segist ekki í neinum vafa um að ætlunin sé að hafa áhrif á sænsku miðlana og fá þá til að stunda einhverskonar ritskoðun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

27 handteknir í Danmörku – Reyndu að smygla 100 kílóum af kókaíni

27 handteknir í Danmörku – Reyndu að smygla 100 kílóum af kókaíni
Pressan
Í gær

Fimm ára hetja bjargaði systur sinni úr brennandi húsi – Fór aftur inn og sótti hundinn

Fimm ára hetja bjargaði systur sinni úr brennandi húsi – Fór aftur inn og sótti hundinn
Pressan
Fyrir 3 dögum

Enn eitt vandamálið með nýtt geimfar Boeing

Enn eitt vandamálið með nýtt geimfar Boeing
Pressan
Fyrir 3 dögum

Fengu 2.000 ára gömul fræ til að spíra

Fengu 2.000 ára gömul fræ til að spíra
Pressan
Fyrir 4 dögum

Lögreglumaður segir hvarf Madeleine McCann „óleysanlegt“

Lögreglumaður segir hvarf Madeleine McCann „óleysanlegt“
Pressan
Fyrir 4 dögum

Lá dáinn í 428 daga í íbúð sinni áður en hann fannst

Lá dáinn í 428 daga í íbúð sinni áður en hann fannst
Pressan
Fyrir 4 dögum

Geimherinn segir að rússneskir gervihnettir elti bandarískan gervihnött

Geimherinn segir að rússneskir gervihnettir elti bandarískan gervihnött
Fyrir 5 dögum

Víða gott að dorga þessa dagana

Víða gott að dorga þessa dagana