Þetta hafði gerst 13 sinnum frá 2014. Í hvert sinn voru 2.000 pund skilin eftir í búntum á hinum og þessum stöðum í þorpinu.
Lögreglan biðlaði til almennings á síðasta ári um aðstoð við að leysa málið. Nú hefur par, sem hefur óskað nafnleyndar, gefið sig fram og segist hafa staðið á bak við þessar dularfullu peningagjafir. Ástæðan er að þeirra sögn að annað þeirra „tengist þorpinu tilfinningalega“.
Lögreglan segir að fólkið hafi stundum skilið peningana eftir á stöðum þar sem líklegt var að ellilífeyrisþegar eða fjárþurfi fólk myndi finna þá. Stundum biðu þau skammt frá til að sjá þegar peningarnir voru teknir.
Parið vill ekki neinar þakkir frá þorpsbúum. Þorpsbúar voru farnir að kalla gefandann/gefendurna „Blackhall jólasveininn“.