Hann gaf í skyn að regnbogalitirnir á myndinni „bæru vitni um viðhorf til siðferðis og menningarlegra hluta sem stríða gegn því sem Whitefield Academy stendur fyrir“. Hann tilkynnti Kimberly síðan að Kayla væri hér með rekin úr skólanum vegna færslu á samfélagsmiðlum.
The Courier Journal skýrir frá þessu. Kimberly segir að skólastjórinn hafi talið tengsl á milli regnbogalitanna á myndinni og hreyfinga og samtaka hinsegins fólks.
Kimberly er ekki sátt við þetta og segir að regnbogalitirnir á myndinn hafi ekkert með hinsegin fólk að gera.
„Mér finnst eins og merkimiði hafi verið settur á hana. Bara það að ég sé með regnboga á mér þýðir ekki að ég sé samkynhneigð.“
Hún segir að engin dulin skilaboð hafi legið í litunum á kökunni. Hún hafi einfaldlega pantað marglita köku í bakaríi.
Hún hefur kvartað yfir brottrekstrinum og segir að skólayfirvöld vilji ekki hitta hana augliti til auglits. Þá hefur skólinn einnig sent nýtt bréf þar sem kemur fram að Kayla hafi sjálf ákveðið að hætta í skólanum. Kayla hefur nú hafið nám í opinberum skóla.
Skólastjórinn sagði í samtali við The Courier að Kayla hafi brotið margar skólareglur og hafi því verið rekin úr skólanum.