fbpx
Föstudagur 27.nóvember 2020
Pressan

Keypti vasa á 8.000 krónur – Seldi hann fyrir 1,3 milljarða

Kristján Kristjánsson
Föstudaginn 17. júlí 2020 07:01

1,3 milljarðar fengust fyrir þennan vasa. Mynd:Sotheby's

Ekki missa af Helstu tíðindum dagsins í pósthólfið þitt

Lesa nánar

Um síðustu helgi seldist mörg hundruð ára gamall kínverskur vasi á sem svarar til 1,3 milljarða íslenskra króna á uppboði hjá Sotheby‘s. Óhætt er að segja að seljandinn hafi ávaxtað sitt pund vel því hann, eða öllu heldur hún, keypti vasann á uppboði hjá Sotheby‘s árið 1954 fyrir sem svarar til um 8.000 króna. Söluverðið nú var því um 166.000 sinnum hærra en þá.

Konan sem seldi vasann, er á níræðisaldri, býr á sveitabæ í Austur-Evrópu en Sotheby‘s hefur ekki viljað upplýsa nánar um hvar. En talsmenn uppboðshússins segja það nánast kraftaverk að vasinn hafi komist óskemmdur í gegnum alla þessa áratugi í sveitinni.

Johan Bosch van Rosenthal, hollenskur ráðgjafi hjá Sotheby‘s, segir frá málavöxtum í myndbandi sem uppboðshúsið hefur birt.

„Konan hringdi og spurði hvort ég gæti komið í heimsókn til að ræða framtíðarhorfurnar varðandi listmunasafn hennar. Ég fór því í langt ferðalag heim til hennar á afskekktan sveitabæ. Þar hitti ég hressa konu á níræðisaldri og hunda hennar og ketti.“

Hann segir að kettirnir hafi stressað hann aðeins, sérstaklega þegar konan leiddi hann inn í herbergi þar sem hún geymdi fjölda kínverskra listmuna sem hún hafði fengið í arf fyrir löngu. Þar hafi kettirnir hoppað og skoppað innan um listmunina. Þeir hafi þó ekki valdið tjóni á mununum. Konan benti honum síðan á vasa sem stóð uppi á skáp. Hún vissi vel að hann væri sérstakur og eins og söluverðið segir til um þá er hann það.

Van Rosenthal er ekki sérfræðingur í kínverskum listmunum en hann áttaði sig strax á að hér væri um eitthvað sérstakt að ræða. Sérfræðingar voru sömu skoðunar en vasinn er frá fyrri hluta átjándu aldar og var framleiddur fyrir Qianlong-keisarann sem ríkti frá 1735-1796. Vasans er getið í skjölum frá þessum tíma.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Stunginn í Vallarhverfi
Pressan
Í gær

Donald Trump náðar Michael Flynn

Donald Trump náðar Michael Flynn
Pressan
Í gær

Mældist á 274 km/klst við Eyrarsundsgöngin

Mældist á 274 km/klst við Eyrarsundsgöngin
Pressan
Fyrir 2 dögum

Þetta var versti dagurinn í forsetatíð Obama

Þetta var versti dagurinn í forsetatíð Obama
Pressan
Fyrir 2 dögum

Þetta hefur ekki gerst í 132 ár

Þetta hefur ekki gerst í 132 ár
Pressan
Fyrir 3 dögum

Biden ætlar að leggja áherslu loftslagsmálin – John Kerry verður sérstakur sendifulltrúi hans

Biden ætlar að leggja áherslu loftslagsmálin – John Kerry verður sérstakur sendifulltrúi hans
Pressan
Fyrir 3 dögum

Verslunarstjórinn skyldi ekki af hverju rafhlöður seldust svo vel – Síðan sá hann umfjöllun sem skýrði málið

Verslunarstjórinn skyldi ekki af hverju rafhlöður seldust svo vel – Síðan sá hann umfjöllun sem skýrði málið
Fyrir 4 dögum

Frábært að vera á fjöllum í svona verðri

Frábært að vera á fjöllum í svona verðri
Pressan
Fyrir 4 dögum

Stefan Löfven – „Það sem við gerum núna sker úr um hverjir verða enn hjá okkur um jólin“

Stefan Löfven – „Það sem við gerum núna sker úr um hverjir verða enn hjá okkur um jólin“