Þessu reyndu margir að svara á Reddit nýlega. Áður en lengra er haldið er þó rétt að taka fram að Netflix hefur ekki staðfest að fjórða þáttaröðin verði gerð en það heldur ekki aftur af aðdáendum þáttanna. Þá er einnig rétt að koma með Höskuldarviðvörun svona svo hugsanleg þáttaröð verði ekki eyðilögð fyrir fólki. Þeir sem ekki vilja vita meira um hugsanlegan söguþráð fjórðu þáttaraðarinnar ættu því ekki að lesa lengra.
Ljóst er að aðstæður Eleven verða aðrar en í fyrri þáttaröðum þar sem hún hefur misst tvær föðurímyndir sínar. Ekki er ljóst hvort lögreglustjórinn Hopper snúi aftur í hugsanlegri þáttaröð eftir dularfullt hvarf hans í þeirri þriðju en öruggt má telja að Dr Brenner verði með í fjórðu þáttaröðinni.
Á Reddit var nefnt að Eleven muni leita hefnda vegna tilraunanna sem Brenner gerði á henni í fyrstu þáttaröðinni. Kannski mun hún elta hann og félaga hans uppi í kjölfar þess að hún hefur misst krafta sína.
Í þeirri leit myndu ýmis samsæri og samsæriskenningar líta dagsins ljós og myndu Rússar koma þar við sögu sem og Mind Flayer.
En við getum svo sem ekki gert annað en beðið eftir staðfestingu á að fjórða þáttaröðin verði gerð og þá farið að hlakka til.