fbpx
Mánudagur 19.apríl 2021
Pressan

Rænt af Íslamska ríkinu 2012 – „Hann er enn á lífi“

Kristján Kristjánsson
Fimmtudaginn 7. febrúar 2019 18:00

John Cantlie í áróðursmyndbandi á vegum Íslamska ríkisins.

Ekki missa af Helstu tíðindum dagsins í pósthólfið þitt

Lesa nánar

Breska blaðamanninum John Cantlie var rænt af hryðjuverkasamtökunum sem kenna sig við Íslamska ríkið í Sýrlandi 2012. Hann hefur komið fram í mörgum áróðursmyndböndum á vegum samtakanna, síðast í desember 2016. Síðan hefur ekkert heyrst frá honum. Breska ríkisstjórnin telur samt sem áður að hann sé á lífi.

Þetta sagði Ben Wallace, varnarmálaráðherra, á fréttamannafundi á þriðjudaginn að sögn CNN.

Cantlie var rænt ásamt bandaríska blaðamanninum James Foley þegar þeir voru að fjalla um stríðið í Sýrlandi. Foley var myrtur af liðsmönnum Íslamska ríkisins 2014. En þrátt fyrir það eru bresk stjórnvöld sannfærð um að Cantlie sé á lífi en Wallace sagði ekki á hverju það mat er byggt.

Í fyrstu kom Cantlie fram í áróðursmyndböndum íklæddur appelsínugulum fangagalla en síðar fór hann að birtast í gervi fréttamanns sem fjallaði um lífið í bæjum og borgum sem hryðjuverkasamtökin höfðu á sínu valdi. Hann lætur jákvæð orð falla um samtökin í þessum myndböndum og er talið víst að hann hafi verið neyddur til að taka þátt í gerð þeirra.

Cantlie er þaulvanur stríðsfréttamaður. Áður en hann fór til Sýrlands hafði hann verið á átakasvæðum í Írak, Afganistan, Sómalíu og Líbíu. Hann var nýkominn til Sýrlands í júlí 2012 þegar honum var rænt ásamt hollenskum ljósmyndara. Þeim var þó bjargað viku síðar. Hann sneri aftur í nóvember og var þá fljótlega rænt af Íslamska ríkinu þegar hann yfirgaf netkaffihús í Binesh ásamt James Foley.

New York Times segir að Cantlie hafi verið fluttur að minnsta kosti sex sinnum á milli staða á síðustu sex árum og sé einn af 23 vestrænum föngum í haldi Íslamska ríkisins.

Fjölskylda hans hefur margoft sent frá sér ákall um að hann verði látinn laus.

Það er stefna breskra stjórnvalda að greiða ekki lausnargjald fyrir breska ríkisborgara.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Kínversk COVID-19 bóluefni veita ekki mjög mikla vernd að sögn kínversks embættismanns

Kínversk COVID-19 bóluefni veita ekki mjög mikla vernd að sögn kínversks embættismanns
Pressan
Fyrir 2 dögum

Ónæm malaríuafbrigði sækja í sig veðrið í Afríku

Ónæm malaríuafbrigði sækja í sig veðrið í Afríku
Pressan
Fyrir 2 dögum

Selja hús Michael Schumacher til að greiða umönnunarkostnað hans

Selja hús Michael Schumacher til að greiða umönnunarkostnað hans
Pressan
Fyrir 3 dögum

Lánaði unnustanum bílinn – Það endaði með ósköpum

Lánaði unnustanum bílinn – Það endaði með ósköpum
Pressan
Fyrir 3 dögum

Nafn bæjarins var of dónalegt fyrir Facebook – Bæjarstjórinn er brjálaður

Nafn bæjarins var of dónalegt fyrir Facebook – Bæjarstjórinn er brjálaður
Pressan
Fyrir 3 dögum

Bandaríkin fjölga í herliði sínu í Þýskalandi

Bandaríkin fjölga í herliði sínu í Þýskalandi
Pressan
Fyrir 4 dögum

Kínverjar vara Bandaríkin við – „Standið ekki vitlausum megin við 1,4 milljarða Kínverja“

Kínverjar vara Bandaríkin við – „Standið ekki vitlausum megin við 1,4 milljarða Kínverja“
Pressan
Fyrir 4 dögum

Þjóðverjar hætta við að gefa seinni skammtinn af AstraZeneca – Fólk fær annað bóluefni

Þjóðverjar hætta við að gefa seinni skammtinn af AstraZeneca – Fólk fær annað bóluefni