Safnið hefur verið sagt vera hið „fullkomna“ safn. Það er fjölskylda Richard Gooding, fyrrum yfirmanns hjá PepsiCo í Bandaríkjunum, sem er að selja safnið en það er afrakstur söfnunar hans. Hann var óþreytandi við að fara til Skotlands til að kaupa viskí á uppboðum og hjá brugghúsum. Hann lést 2014.
Safnið var geymt í „pöbbnum“ hans á heimili hans í Colorado. „Pöbbinn“ var í raun sýningarsalur þar sem sumar af sjaldgæfustu og frægustu viskítegundum heims voru sýndar.
Í safninu er meðal annars flaska af Fine and Rare Macallan frá 1926 en ein slík var nýlega seld fyrir sem svarar til um 240 milljóna íslenskra króna.
Safnið verður selt á uppboði á the Whisky Auctioneer vefsíðunni. Það fer fram í tveimur hlutum, í febrúar og apríl á næsta ári.