fbpx
Þriðjudagur 02.júní 2020
Pressan

Norska lögreglan er með nafnalista yfir hugsanlega gerendur í máli Anne-Elisabeth Hagen

Kristján Kristjánsson
Mánudaginn 4. nóvember 2019 06:00

Heimili Hagen-hjónanna.

Ekki missa af Helstu tíðindum dagsins í pósthólfið þitt

Lesa nánar

Á fimmtudaginn var eitt ár liðið frá því að Anne-Elisabeth Hagen hvarf frá heimili sínu í Løremskog í útjaðri Osló. Í fyrstu var talið að um mannrán væri að ræða því krafa um lausnargjald var sett fram en nú telur lögreglan að Anne-Elisabeth hafi verið ráðin bani og það jafnvel þennan örlagaríka morgun sem hún hvarf. Lögreglan vinnur enn hörðum höndum að rannsókn málsins og telur líklegt að hægt verði að upplýsa það fyrir áramót. Hún rannsakar nú ákveðna einstaklinga sem gætu hafa átt hlut að máli. TV2 segir að lögreglan sé með nafnalista sem unnið sé út frá.

Ábendingar hafa borist um að þeir, sem eru á listanum, hafi hugsanlega átt hlut að máli. Lögreglan rannsakaði málið sem mannrán í tíu vikur en skipti síðan yfir í annan farveg og hóf morðrannsókn sem stendur enn. Ekkert lífsmark hefur borist frá Anne-Elisabeth síðan hún hvarf. Fjölskylda hennar heldur í vonina um að hún sé á lífi en lögreglan telur nær útilokað að svo sé.

TV2 segir að margir hafi verið yfirheyrðir vegna málsins. Allir hafa þeir haft stöðu vitna í málinu en margir þeirra hafa einnig verið beðnir um að gera grein fyrir ferðum sínum þann 31. október á síðasta ári þegar Anne-Elisabeth hvarf. Samkvæmt heimildum TV2 hefur rannsókn lögreglunnar beinst að ákveðnum brotamönnum og glæpasamtökum til að afla frekari upplýsinga um málið. Við yfirheyrslur og í ábendingum hafa ákveðin nöfn komið upp á fólki sem gæti tengst málinu og er lögreglan að rannsaka hvort þessir aðilar tengist málinu.

Tommy Brøske, sem stýrir rannsókninni, vildi ekki tjá sig um þetta við TV2 en staðfesti að lögreglan sé nú að skoða hugsanlegan þátt nafngreinda aðila í málinu. Hann sagði lögregluna telja að undirbúningur að hvarfi Anne-Elisabeth hafi staðið yfir í marga mánuði áður en látið var til skara skríða. Lögreglan hefur staðfest við VG að blóð hafi fundist á heimili Hagen-hjónanna eftir hvarf Anne-Elisabeth.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Telja að á næsta áratug finnist líf utan jarðarinnar

Telja að á næsta áratug finnist líf utan jarðarinnar
Pressan
Fyrir 2 dögum

Ljúga yfirvöld í Mexíkó til um fjölda látinna af völdum COVID-19?

Ljúga yfirvöld í Mexíkó til um fjölda látinna af völdum COVID-19?
Pressan
Fyrir 4 dögum

Facebook ætlar að leyfa helmingi starfsfólks að vinna heima – En það verður ekki ókeypis

Facebook ætlar að leyfa helmingi starfsfólks að vinna heima – En það verður ekki ókeypis
Pressan
Fyrir 4 dögum

Matt Damon fastur á Írlandi í heimsfaraldrinum – Bæjarbúar hjálpuðu honum að forðast fjölmiðla

Matt Damon fastur á Írlandi í heimsfaraldrinum – Bæjarbúar hjálpuðu honum að forðast fjölmiðla
Pressan
Fyrir 5 dögum

Leðurblökukonan segir að COVID-19 sé bara toppurinn á ísjakanum

Leðurblökukonan segir að COVID-19 sé bara toppurinn á ísjakanum
Pressan
Fyrir 5 dögum

Kórónuveiran „hverfur“ svo hratt að erfitt er að prófa bóluefni

Kórónuveiran „hverfur“ svo hratt að erfitt er að prófa bóluefni