The Guardian skýrir frá þessu.
„Saur var hellt úr fötu yfir hana. Ég veit ekki hvað ég á að segja. Þetta er viðbjóðslegt.“
Sagði David Hopkinson, lögreglumaður, við fjölmiðla.
Öll fórnarlömbin eru af asískum uppruna en lögreglan telur að tilviljun hafi ráðið því hverjir urðu fyrir valinu.
Fyrsta árásin var gerð á föstudaginn þegar svartklæddur maður með gulan hjálm gekk inn á bókasafn háskólans. Hann var með fötu fulla af saur með sér. Hann hellti úr henni yfir stúdent, hló og lét sig hverfa.
„Ég fattaði ekki strax hvaða lykt þetta var en skyndilega fattaði ég það. Lyktin fékk mann til að fella tár. Ég hélt að það myndi draga úr henni en ég og vinir mínir urðum að pakka niður og hlaupa út.“
Sagði vitni í samtali við CP24.
Á sunnudaginn fór maðurinn inn á annað bókasafn, að þessu sinni háskólabókasafnið í York. Þar hellti hann saur yfir stúdent.
Maðurinn skildi fötuna eftir í öllum tilfellunum og hefur lögreglan rannsakað þær og innihaldið en hefur ekki skýrt frá hvort um mannasaur var að ræða.
Lögreglan leitar árásarmannsins.