Í tilkynningu frá lögregluliðunum kemur fram að 26.000 reikningum hryðjuverkasamtakanna hafi verið lokað á hinum ýmsu netsvæðum. Fram kemur að að aðgerðinni lokinni hafi samtökin ekki verið til staðar á netinu.
Einnig tókst að loka innri samskiptaleiðum samtakanna á netinu. Níu netþjónustuaðilar og 12 aðildarríki Europol lögðu sitt af mörkum til að þetta tækist allt saman. Meðal þeirra þjónustuaðila sem aðgerðin náði til voru Telegram, Google, Twitter og Instagram.