Kattaeigendur þekkja ketti sína yfirleitt vel og vita að þeir vilja gjarnan láta gæla við sig og hafa það huggulegt. En þrátt fyrir að þeir séu sætir og vilji gjarnan láta gæla við sig geta þeir á örskotsstundu breyst í hrekkjalóma mikla.

Það er sem sagt aldrei leiðinlegt á heimilum þar sem kettir eru og prakkarastrik þeirra eru oft uppspretta hláturs.

Kristian Svenson var orðinn svolítið þreyttur á kettinum sínum, Mulder, sem stundaði það að vekja hann eftir að hafa fundið út hvernig hann gæti opnað svefnherbergisdyrnar. Daily Press skýrir frá þessu.

Til að stöðva þetta datt Kristian snilldarráð í hug, að eigin mati, og átti það að tryggja honum nægan svefn.

Hann gerði einhverskonar „virkisgröf“ því hann setti bala með vatni fyrir framan svefnherbergisdyrnar. Balinn átti að koma í veg fyrir að Mulder kæmist að til að hoppa í upp í snerilinn og opna dyrnar. Kettir eru vatnshræddir en þeir eru líka snjallir og því fékk Kristian að kenna á eins og sjá má í myndbandinu hér fyrir neðan.