Lorenzo Fioramonti, menntamálaráðherra Ítalíu, tilkynnti þetta en breytingin mun taka gildi á næsta skólaári. Grunnskólar landsins verða skyldugir til að leggja að minnsta kosti eina kennslustund á viku undir þetta þarfa málefni. Samhliða þessu verður lögð áhersla á að koma námsefni um sjálfbærni inn í nám barnanna, til dæmis í gegnum stærðfræði, landafræði og eðlisfræði.
„Ég vil að ítalska menntakerfið verði það fyrsta í heiminum þar sem umhverfi og samfélag verða hornsteinn þess sem börnin læra í skólanum,“ hefur Independent eftir Fioramonti.
Fioramonti hefur beitt sér mjög í þágu umhverfismála en hann lagði nýlega til að sérstakir skattar yrðu lagðir á flugferðir, plast og sykraðan mat. Peningarnir sem fengjust með þessum sköttum færu beint í ítalska menntakerfið.