fbpx
Þriðjudagur 15.október 2019  |
Pressan

Fuglar geta borið kennsl á vont fólk

Kristján Kristjánsson
Sunnudaginn 6. október 2019 15:30

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Ef dvergkrákur hafa komist að því að þú sért hættuleg(ur) þá breiðist fréttin um það út til annarra kráka. Þetta eru niðurstöður nýrrar rannsóknar vísindamanna við University of Exeter á Englandi. Fram kemur að dvergkrákurnar séu með ákveðið kall sem þær nota til að aðvara aðrar krákur þegar þær bera kennsl á manneskju sem hefur áður ógnað þeim.

The Independent skýrir frá þessu. Vísindamenn segja þetta sönnun þess að fuglarnir geti lært af hver öðrum. Þeir rannsökuðu 34 hreiður dvergkráka. Maður var látinn koma nærri þeim á meðan ýmis hljóð voru leikin. Hluti krákanna fékk að heyra viðvörunarkall á meðan maðurinn nálgaðist hreiður þeirra en hinn hlutinn heyrði hefbundið kvak dvergkráka.

Þegar dvergkrákurnar sáu manninn síðar flugu þeir allir beint í hreiður sín. En sá munur var á hópunum að þær krákur sem höfðu heyrt viðvörunarkallið þegar þær sáu manninn fyrst voru helmingi fljótari að koma sér í hreiðrið en þær sem ekki höfðu heyrt það.

Victoria Lee, doktorsnemi og aðalhöfundur rannsóknarinnar, segir að fuglar hafi oft gagn af fólki en að fólk geti líka ógnað þeim og því sé gott fyrir fuglana að geta hjálpast að við að greina hverjum er treystandi og hverjum ekki.

Í niðurstöðum sínum leggja vísindamennirnir áherslu á að þær séu sönnun þess að dýr noti félagslega reynslu til að meta hvort þeim stafi ógn af fólki.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Eltihrellirinn þurfti ekki meira en endurkastið í ljósmynd poppstjörnunnar

Eltihrellirinn þurfti ekki meira en endurkastið í ljósmynd poppstjörnunnar
Pressan
Fyrir 3 dögum

Óttast að fellibylurinn verði svipaður og árið 1958

Óttast að fellibylurinn verði svipaður og árið 1958
Pressan
Fyrir 4 dögum

730 fyrirtækjabílum beint gegn Erdogan – Bein stríðsyfirlýsing við forsetann

730 fyrirtækjabílum beint gegn Erdogan – Bein stríðsyfirlýsing við forsetann
Pressan
Fyrir 4 dögum

Gaupa réðst á hjón

Gaupa réðst á hjón
Pressan
Fyrir 5 dögum

Dularfullt hvarf úlfs í Belgíu – 30.000 evrum heitið fyrir upplýsingar

Dularfullt hvarf úlfs í Belgíu – 30.000 evrum heitið fyrir upplýsingar
Pressan
Fyrir 5 dögum

Sjaldgæfur sjúkdómur – Varð drukkinn þrátt fyrir að hafa ekki drukkið áfengi

Sjaldgæfur sjúkdómur – Varð drukkinn þrátt fyrir að hafa ekki drukkið áfengi