94 ára karlmaður frá Flórída-fylki, Bandaríkjunum skaut heilabilaða eiginkonu sína til bana og ætlaði í kjölfarið að skjóta sjálfan sig, en þá bilaði byssan. Frá þessu greinir New York Post.
Síðastliðin mánudag hringdi Wayne S. Juhlin í lögregluna og greindi frá því að hann hafi myrt áttatíu ára gamla eiginkonu sína á heimili þeirra. Hann sagðist hafa framið glæpinn til að minnka sársauka hennar vegna heilahrörnunarsjúkdóms sem hún þjáðist af.
Juhlin á að hafa sagt lögreglunni að áætlunin hafi verið að taka eigið líf, eftir að hann hafi drepið eiginkonuna, en þá hafi byssan ekki getað skotið og hann því ekki getað framið sjálfsvíg.
Heilabilunin sem eiginkona Juhlin þjáðist af er algeng í Flórída-fyki og telja vísindamenn að hún muni færast í aukanna.