BBC greinir frá þessu og segir að bæjarbúar, einhver hluti þeirra að minnsta kosti, hafi verið búnir að fá nóg af sviknum kosningaloforðum hans. Þannig hafi hann lofað að gera endurbætur á vegum í bænum í aðdraganda síðustu kosninga en ekki staðið við stóru orðin.
Bæjarbúar ákváðu að veita Jorge makleg málagjöld og leyfa honum að kynnast því á eigin skinni hversu slæmir vegirnir eru. Þeir bundu hann við bifreið og drógu hann eftir götu.
Nokkrir slösuðust þegar til átaka kom milli mótmælenda og lögreglu um það leyti sem bæjarstjórinn var numinn á brott. Sem betur fer slasaðist Jorge ekki alvarlega en hann kveðst ætla að leggja fram kæru fyrir mannrán og tilraun til manndráps.