fbpx
Mánudagur 19.apríl 2021
Pressan

Sífrerinn í Síberíu fer minnkandi – Getur haft gríðarlegar afleiðingar fyrir allan heiminn

Kristján Kristjánsson
Föstudaginn 18. janúar 2019 05:59

Sífreri í Síberíu.

Ekki missa af Helstu tíðindum dagsins í pósthólfið þitt

Lesa nánar

Ef sífrerinn bráðnar getur losnað um gríðarlegt magn af gróðurhúsalofttegundum sem streyma þá út í andrúmsloftið og bæta enn á loftslagsbreytingarnar. Að meðaltali hefur sífreri hlýnað um 0,3 stig á undanförnum áratug og í Síberíu hitnaði hann um 0,9 stig frá 2007 til 2016.

Þetta kemur fram í nýrri rannsókn vísindamanna við háskóla í Þýskalandi, Kanada, Bandaríkjunum, Danmörku, Noregi, Rússlandi og fleiri löndum. Rannsóknin var birt í vísindaritinu Nature í vikunni. Þar segja vísindamennirnir að bráðnun sífrera geti hert enn frekar á hnattrænni hlýnun því hún losi um lífræn kolefni.

Sífreri eru þau svæði þar sem hitastig er svo lágt allt árið að jarðvegurinn er frosinn árum saman. Hvergi er meiri sífreri en í Síberíu þar sem hann getur verið allt að kílómetra þykkur og innhaldið mikið af gömlum kolefnum. Þegar kolefnin komast í snertingu við súrefni myndast koltvísýringur sem losnar út í andrúmsloftið. Gamalt metan mun einnig leka út í andrúmsloftið. Það er einmitt þetta sem veldur vísindamönnunum áhyggjum.

Sífrerinn er viðkvæmur fyrir hækkandi hitastigi og breytingum á snjókomu. Það er mikilvægt í þessu samhengi því loftið yfir heimskautasvæðum og háttliggjandi svæðum hefur hlýnað hraðar en á öðrum svæðum segja vísindamennirnir í rannsókninni.

Niðurstöður annarra rannsókna benda til að stór hluti af sífrera geti bráðnað þrátt fyrir að meðalhitinn á heimsvísu hækki aðeins um tvö stig fram að næstu aldamótum. Ef það gerist mun koltvísýringur og metan sleppa út í andrúmsloftið. Vísindamennirnir segja að reikna megi með að þetta ferli muni auka við hnattræna hlýnun og muni sú aukning nema 0,13 til 0,27 stigum um næstu aldamót.

Gróðurhúsalofttegundirnar, sem reiknað er með að losni úr sífrera á næstu 80 árum, eru enn sem komið er ekki teknar með í útreikningum flestra loftslagsreiknilíkana. Vísindamenn, sem rannsaka sífrera, hafa árum saman bent á að bráðnunin muni hafa í för með sér miklu meiri losun gróðurhúsalofttegunda en reiknað hefur verið með. Á móti kemur að hluti af þeim gróðri sem mun þrífast vegna hlýnunarinnar mun binda hluta af koltvísýringnum en vísindamenn vita ekki hversu mikið það verður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Kínversk COVID-19 bóluefni veita ekki mjög mikla vernd að sögn kínversks embættismanns

Kínversk COVID-19 bóluefni veita ekki mjög mikla vernd að sögn kínversks embættismanns
Pressan
Fyrir 2 dögum

Ónæm malaríuafbrigði sækja í sig veðrið í Afríku

Ónæm malaríuafbrigði sækja í sig veðrið í Afríku
Pressan
Fyrir 2 dögum

Selja hús Michael Schumacher til að greiða umönnunarkostnað hans

Selja hús Michael Schumacher til að greiða umönnunarkostnað hans
Pressan
Fyrir 2 dögum

Lánaði unnustanum bílinn – Það endaði með ósköpum

Lánaði unnustanum bílinn – Það endaði með ósköpum
Pressan
Fyrir 3 dögum

Nafn bæjarins var of dónalegt fyrir Facebook – Bæjarstjórinn er brjálaður

Nafn bæjarins var of dónalegt fyrir Facebook – Bæjarstjórinn er brjálaður
Pressan
Fyrir 3 dögum

Bandaríkin fjölga í herliði sínu í Þýskalandi

Bandaríkin fjölga í herliði sínu í Þýskalandi
Pressan
Fyrir 4 dögum

Kínverjar vara Bandaríkin við – „Standið ekki vitlausum megin við 1,4 milljarða Kínverja“

Kínverjar vara Bandaríkin við – „Standið ekki vitlausum megin við 1,4 milljarða Kínverja“
Pressan
Fyrir 4 dögum

Þjóðverjar hætta við að gefa seinni skammtinn af AstraZeneca – Fólk fær annað bóluefni

Þjóðverjar hætta við að gefa seinni skammtinn af AstraZeneca – Fólk fær annað bóluefni