fbpx
Mánudagur 04.júlí 2022
Pressan

Þetta gæti verið stærsta uppgötvun mannkynssögunnar –„Ég held að við munum sjá töluverða umferð þarna úti“

Kristján Kristjánsson
Miðvikudaginn 16. janúar 2019 06:59

Oumuamua eins og talið var að hann liti út í upphafi.Mynd:European Southern Observatory/M. Kornmesser

Ekki missa af Helstu tíðindum dagsins í pósthólfið þitt

Lesa nánar

Í nýju viðtali við ísraelska dagblaðið Haaretz ræðir Avi Loeb, forseti stjörnufræðideildar Harvard háskólans í Bandaríkjunum, um umdeilda kenningu sína um Oumuamua sem fór í gegnum sólkerfið okkar á haustdögum 2017. Þetta var í fyrsta sinn sem vísindamenn uppgötvuðu hlut, sem er ekki upprunninn í sólkerfinu okkar, á ferð í því. Þetta var því mjög merk uppgötvun.

Loeb setti fram umdeilda kenningu í kjölfarið þar sem hann velti því upp að Oumuamua gæti verið geimfar vitsmunavera frá öðrum sólkerfum og velti um leið fyrir sér stöðu mannkynsins í alheiminum.

„Um leið og við yfirgefum sólkerfið held ég að við munum sjá töluverða umferð þarna úti.“

Sagði hann í viðtalinu við Haaretz og bætti við:

„Hugsanlega fáum við skilaboð sem hljóma: „Velkomin í miðgeimshópinn.“ Eða þá finnum við marga útdauða menningarheima, það er við munum finna leifar þeirra.“

Loeb og samstarfsmaður hans veltu því upp í kenningu sinni hvort Oumuamua gæti verið geimfar sem væri knúið áfram með sólsegli en það getur að þeirra mati skýrt lögun hlutarins en hann minnir helst á vindling en það er mjög óvenjuleg lögun fyrir hluti í geimnum. Annað sem vakti athygli er hvernig birta hlutarins endurkastaðist af honum og breyttist þegar hann snerist.

Vísindamenn hlustuðu hvort hljóðmerki bærust frá Oumuamua en ekkert heyrðist. Loeb sagði í viðtalinu við Haaretz að hann standi við kenningu sína um að mögulega sé Oumuamua geimfar.

„Við höfum engar aðferðir til að vita hvort um virka tækni er að ræða eða geimskip sem virkar ekki lengur og flýgur áfram um geiminn.“

Loeb hefur vakið töluverða athygli undanfarið í viðtölum þar sem hann hefur rætt um líkurnar á að mannkynið muni finna menningarheima og vitsmunaverur utan jarðarinnar. Í viðtalinu við Haaretz segir hann að fjöldi vitsmunasamfélaga geti verið til í alheiminum og að vísindamenn eigi að einbeita sér að því að finna sannanir fyrir því.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 1 viku

Minni líkur á langvarandi COVID-19 af völdum Ómíkron en Delta

Minni líkur á langvarandi COVID-19 af völdum Ómíkron en Delta
Pressan
Fyrir 1 viku

Læknar voru agndofa þegar þeir sáu hvað var í maga mannsins

Læknar voru agndofa þegar þeir sáu hvað var í maga mannsins
Pressan
Fyrir 1 viku

Ósáttur nágranni – Segir að það heyrist hærra í þeim en sláttuvél þegar þau stunda kynlíf

Ósáttur nágranni – Segir að það heyrist hærra í þeim en sláttuvél þegar þau stunda kynlíf
Pressan
Fyrir 1 viku

Stjörnufræðingar fundu hratt stækkandi svarthol

Stjörnufræðingar fundu hratt stækkandi svarthol
Pressan
Fyrir 1 viku

Ný mynd frá Marsbílnum Perseverance vekur áhyggjur af mengun á Mars

Ný mynd frá Marsbílnum Perseverance vekur áhyggjur af mengun á Mars
Pressan
Fyrir 1 viku

Foreldrar hennar neyddu hana til að gefa barnið – 44 árum síðar gerðist svolítið frábært

Foreldrar hennar neyddu hana til að gefa barnið – 44 árum síðar gerðist svolítið frábært