fbpx
Miðvikudagur 30.september 2020
Pressan

Segja að ESB sé reiðubúið til að fresta Brexit þar til í júlí

Kristján Kristjánsson
Mánudaginn 14. janúar 2019 09:15

Ekki missa af Helstu tíðindum dagsins í pósthólfið þitt

Lesa nánar

Samkvæmt því sem háttsettir embættismenn innan ESB segja þá verður hægt að fresta útgöngu Breta úr ESB, Brexit, þar til í júlí en eins og staðan er núna á útgangan að vera á miðnætti þann 29. mars.

The Guardian skýrir frá þessu. Blaðið segir að það eina sem þurfi til að fresta útgöngunni sé að forsætisráðherra Bretlands leiti til ESB og óski eftir frestun. Um leið og það gerist muni Donald Tusk, forseti ESB, boða til aukafundar leiðtoga aðildarríkjanna.

Breski forsætisráðherrann, sem er nú Theresa May, verður að gefa ESB upp ástæður fyrir ósk um seinkun útgöngunnar og lengd frestsins veltur á þeim rökum sem forsætisráðherrann mun færa fyrir ósk sinni.

Heimildarmenn blaðsins segja að ef May þrauki áfram á stóli forsætisráðherra og óski eftir lengri tíma til að sannfæra neðri deild breska þingsins um ágæti útgöngusamningsins, sem hún gerði við ESB fyrir áramót, þá verði henni boðin tæknileg frestun þar til í júlí. Aðrar heimildir blaðsins innan ESB herma að einnig sé hugsanlegt að bjóða lengri frestun ef það komi til dæmis til þess að Bretar kjósi aftur um Brexit en háværar kröfur eru uppi um að það verði gert.

Neðri deild breska þingsins á að greiða atkvæði um samning May við ESB um útgönguna á morgun þriðjudag. Nokkuð ljóst þykir að samningurinn verði felldur þrátt fyrir hvatningu May til þingmanna um að styðja hann. Í gær sagði hún að það verði „hörmulegt“ ef samningurinn verður ekki samþykktur. Í grein í dagblaðinu Sunday Express hvatti hún alla þingmenn neðri deildarinnar til að greiða atkvæði með samningnum og sagði að ef hann verður ekki samþykktur sé hætta á að Bretland yfirgefi ESB án samningsins eða að ekki verði af Brexit.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Fyrstu kappræður Trump og Biden eru í kvöld – Skattamálin verða væntanlega ofarlega á baugi

Fyrstu kappræður Trump og Biden eru í kvöld – Skattamálin verða væntanlega ofarlega á baugi
Pressan
Í gær

Munu skattamál Trump koma í veg fyrir endurkjör?

Munu skattamál Trump koma í veg fyrir endurkjör?
Pressan
Í gær

Kórónuveirusmitaður fjölskyldufaðir stóðst ekki mátið og fór á McDonalds með alla fjölskylduna

Kórónuveirusmitaður fjölskyldufaðir stóðst ekki mátið og fór á McDonalds með alla fjölskylduna
Pressan
Fyrir 2 dögum

Hvítur öfgaþjóðernissinni skotinn til bana af lögreglunni

Hvítur öfgaþjóðernissinni skotinn til bana af lögreglunni
Pressan
Fyrir 3 dögum

Norðurheimskautið verður sífellt grænna – Hefur áhrif á dýr og gróður

Norðurheimskautið verður sífellt grænna – Hefur áhrif á dýr og gróður
Pressan
Fyrir 3 dögum

Heimsfaraldur kórónuveirunnar hefur verið Elísabetu II dýr

Heimsfaraldur kórónuveirunnar hefur verið Elísabetu II dýr