Í desember lést móðir þeirra þegar handsprengja sprakk nærri henni í Sýrlandi. Í mars féll faðir þeirra í átökum. Börnin voru í flóttamannabúðum í Sýrlandi. Nýlega fór móðurafi þeirra, Patricio Galvez, þangað til að reyna að koma börnunum til Svíþjóðar. Honum tókst að fá þau flutt til Írak og þaðan til Svíþjóðar.
Lögreglan og barnaverndaryfirvöld tóku á móti börnunum við komuna í morgun en þau verða í umsjá barnaverndaryfirvalda fyrst um sinn að minnsta kosti.
Sænska ríkisútvarpið hefur eftir afa þeirra að þau hafi fagnað þegar þau lentu í Gautaborg.
Michael Skråmo er einn þekktasti liðsmaður Íslamska ríkisins frá Svíþjóð. Hann var norskur ríkisborgari en fæddur og uppalinn í Gautaborg.